Duo, huti i gjelbër vizatimor dhe maskota e aplikacionit për mësimin e gjuhëve Duolingo, ka ‘vdekur’ në mënyrë misterioze, dhe këngëtarja Dua Lipa ‘është në zi’.
Brendi njoftoi për ndarjen nga jeta të Duos të martën, duke shkruar në një deklaratë me tone ironike në faqen e tyre zyrtare në X:
“Autoritetet janë duke hetuar shkakun e vdekjes së tij dhe ne po bashkëpunojmë plotësisht. Të jemi të sinqertë, ndoshta vdiq duke pritur që ti ta vazhdoje kursin, por ku ta dimë ne.”
Mundesh me e lexu edhe...
Duolingo është një aplikacion për të mësuar gjuhë nëpërmjet telefonit, i cili ofron mbi 100 kurse në më shumë se 40 gjuhë përmes seancave të shkurtra. Ai u bë jashtëzakonisht i njohur gjatë pandemisë, dhe kur humbisni një mësim, aplikacioni është i famshëm për mesazhet qesharake ose ngacmuese që ju shtyjnë të vazhdoni mësimin e radhës.
“Jemi të vetëdijshëm që kishte shumë armiq, por ju lutemi që të mos ndani në komente arsyet pse e keni urryer,” vazhdonte deklarata.
Duke bërë një referencë ndaj Lipës, Duolingo përfundoi deklaratën duke thënë: “E vlerësojmë respektimin e privatësisë së Dua Lipës në këtë kohë.”
“Derisa vdekja të na ndajë,” shkroi Lipa në X të mërkurën, duke iu përgjigjur deklaratës së Duolingo. Përveç faktit që këngëtarja e “Levitating” dhe Duo ndajnë emrin shumë të ngjashëm, ka edhe më shumë “histori” që i lidh ata së bashku.
Til' death duo part 💔 https://t.co/XqVUTK5E0V
— DUA LIPA (@DUALIPA) February 12, 2025“Gjatë viteve, kemi ndërtuar një narrativë rreth Duos si i dashuruar me Duan (madje ka shkuar deri te propozimi jashtë koncertit të saj në Madison Square Garden), dhe jemi po aq të habitur (dhe të nderuar) sa çdokush tjetër që ajo e ka pranuar fatin e tij tragjik,” tha një përfaqësues i Duolingo në një deklaratë.
Sipas përfaqësuesit, reagimi i Lipës në X ishte spontan dhe “nuk është pjesë e një partneriteti të paguar me markën—thjesht evolucioni natyror i dashurisë së gjatë, të pashpërblyer të Duos për të.”
Sa i përket asaj që ndodhi me Duo, kjo mbetet ende një mister, por Duolingo vazhdon të jetojë.
“Duo mund të jetë i vdekur, por marka jonë është shumë gjallë (dhe ende po aq e çmendur sa më parë),” tha përfaqësuesi për CNN./Katror.info
Përgatiti:
