Në bashkëpunim me Bankën Qendrore të Kosovës (BQK), platforma digjitale eKosova ka lansuar dy shërbime të reja në kategorinë “Financat”, të cilat synojnë të lehtësojnë qasjen e qytetarëve dhe bizneseve në informacionet e tyre financiare, shkruan Katror.info.
Shërbimi i parë është raporti kreditor për personat fizik dhe juridik, i cili ofron një pasqyrë të detajuar mbi historikun kreditues të individëve dhe bizneseve, duke ndihmuar në menaxhimin e përgjegjshëm të kredive. Ky shërbim mund të qaset nëpërmjet linkut ekosova.rks-gov.net/566.
Ndërsa shërbimi i dytë është raporti i llogarive bankare për personat fizik dhe juridik, i cili u mundëson përdoruesve të kenë një përmbledhje të llogarive të tyre bankare në institucionet financiare të vendit, duke siguruar një qasje më të shpejtë dhe transparente në informacionet personale financiare. Ky shërbim është i qasshëm nëpërmjet linkut ekosova.rks-gov.net/577.
Mundesh me e lexu edhe…
eKosova është platforma zyrtare digjitale e shërbimeve publike në Republikën e Kosovës, e krijuar me qëllim të modernizimit dhe lehtësimit të qasjes së qytetarëve dhe bizneseve në shërbime shtetërore.
E lansuar në vitin 2020, kjo platformë ofron një gamë të gjerë shërbimesh elektronike në fusha të ndryshme, përfshirë dokumentet personale, tatimet, sigurimet sociale, shërbimet shëndetësore dhe tani edhe financat./Katror.info
Përgatiti:
