Një foshnjë i mbijetoi një operacioni të jashtëzakonshëm kur mjekët kryen një ndërhyrje kirurgjikale në shtyllën kurrizore brenda mitrës, pasi ajo u hoq përkohësisht nga trupi i nënës së tij në javën e 26-të dhe tani të dy janë duke lulëzuar, shkruan Good News Network, transmeton Katror.info.
Anglezja Serena Nye ndjeu një lehtësim të madh kur pa djalin e saj të sapolindur duke lëvizur këmbët, pasi operacioni kompleks me vrima kyçe u përfundua brenda mitrës së saj.
24-vjeçarja u informua gjatë kontrollit të shtatzënisë në javën e 20-të vitin e kaluar se djali i saj i palindur kishte spina bifida[ Spina bifida është një gjendje ku shtylla kurrizore dhe palca kurrizore e një foshnje nuk zhvillohen siç duhet gjatë shtatzënisë, duke shkaktuar një hapësirë në shtyllën kurrizore. Spina bifida është një lloj defekti të tubit nervor. Tubi nervor është struktura që më vonë zhvillohet në tru dhe palcën kurrizore të foshnjës].
Mundesh me e lexu edhe…
Për shkak të mënyrës se si po zhvillohej shtylla e tij kurrizore dhe një cisteje që po formohej në bazën e saj, ata u paralajmëruan se gjendja do të shkaktonte me shumë gjasa një paaftësi të rëndë, me një rrezik të lartë paralize.
Serenës dhe partnerit të saj iu dha mundësia të vazhdonin shtatzëninë, ta ndërprisnin ose të bënin një ndërhyrje fetoskopike. Kështu, gjashtë javë më vonë, mjekët nxorën mitrën e Serenës nga trupi i saj për të kryer operacionin në shtyllën kurrizore të djalit të saj të palindur dhe tre orë më vonë, mitra dhe foshnja u rikthyen dhe u qepën përsëri brenda trupit të saj, derisa të vinte momenti i lindjes.
Në javën e 31-të, Tommy Bown erdhi në jetë dhe ishte në gjendje të ushqehej normalisht dhe të lëvizte këmbët, falë operacionit.
Ai kaloi katër javë në spital përpara se prindërit e tij të dashur, Serena dhe Chris Bown, ta sillnin atë në shtëpi në East Sussex.
Foshnja, tani tre muajsh, po arrin të gjitha etapat e zhvillimit dhe një shenjë në shpinën e tij nga operacioni është i vetmi dëshmi e ndërhyrjes.
“Kur morëm vesh që ai kishte spina bifida, ishim në shok. Dëgjuam të gjitha këto histori. Mendonim se ai nuk do të ecte kurrë, apo nuk do të ishte në gjendje të ushqehej vetë, disa javë më vonë, Tommy lindi. E pashë në inkubator dhe ishte kaq i vogëlpor këmbët e tij po lëviznin. Pas javëve në NICU, ishte një lehtësim i madh ta sillnim në shtëpi, me shenjën e tij në shpinë si një kujtim i çmendur i asaj që ndodhi”, tha Serena.
“Tani, shoh poshtë tek foshnja ime dhe mendoj, ‘nuk ke asnjë ide se çfarë ke kaluar tashmë, para operacionit, isha shumë e shqetësuar. E dinim që kishte rreziqe, por përfitimet ishin më të mëdha”, shton ajo.
Operacioni u krye në Spitalin King’s College dhe gjithçka shkoi pa probleme.
“Nuk kishim asnjë ide se çfarë do të ishte i aftë të bënte kur të lindte, edhe pse gjatë shtatzënisë ai tregoi shenja të mira”, tha ajo.
Tommy u dërgua më në fund në shtëpi më 19 tetor dhe ka qenë duke u forcuar dhe arritur etapat e tij të zhvillimit që prej atëherë.
“Mezi pres ta ulem dhe t’i tregoj çfarë ka kaluar kur të rritet”, përfundon ajo. /Katror.info
Përgatiti:
