Këngëtarja shqiptare me famë botërore, Rita Ora, në ditëlindjen e 33-të ka vendosur të vijë në Kosovë së bashku me bashkëshortin, Taika Waititi në Prishtinë.
Kryetari i Prishtinës Përparim Rama e ka pritur yllin botëror teksa e ka uruar edhe për ditëlindje.
“Mirë se vjen në vendlindje dhe urime ditëlindja Rira Ora! Të duam. Mirë se vjen në Kosovë Taika Waititi, të dëshirojmë qëndrim të mrekullueshëm ”, ka shkruar Rama, bë Facebook.
Mundesh me e lexu edhe…
Rita Sahatçiu Ora e lindur më 26 nëntor 1990, është një këngëtare dhe aktore britanike me prejardhje shqiptare. Suksesi i saj u rrit në shkurt të vitit 2012, kur ajo u paraqit me këngën Hot Right Now, bashkëpunim me DJ Fresh-in, e cila arriti numrin një në Mbretërinë e Bashkuar.
Albumi i parë i saj Ora, që doli në shitje në gusht të vitit 2012, arriti numrin një në Mbretërinë e Bashkuar. Albumi përmbante këngët R.I.P dhe How We Do (Party). Ora ishte artistja me numrin më të madh të këngëve në listën britanike në vitin 2012, me tre këngë radhazi që arritën në pozitën më të lartë.
Në janar 2014, Adidas njoftoi një bashkëpunim projektues me Ritën për markën e tyre, Adidas Originals. Gjithashtu në vitin 2014, kënga I Will Never Let You Down u rendit e katërta në Mbretërinë e Bashkuar dhe ajo u shfaq në këngën “Black Widow ” të Iggy Azalea, e cila arriti numrin pesë në Mbretërine e Bashkuar dhe SHBA. Në 2015, Ora u bë trajnere në serinë e katërt të The Voice UK dhe, më vonë atë vit, një gjyqtare në serinë e dymbëdhjetë të The X Factor.
Albumi i dytë i saj në studio, Phoenix, doli në shitje në nëntor 2018. Kënga Your Song arriti numrin dhjetë në Britaninë e Madhe dhe këngët Anywhere dhe Let You Love Me arritën numrin pesë në Mbretërinë e Bashkuar; kjo e fundit e bëri Orën artisten e parë femër britanike që të ketë gjithsej trembëdhjetë këngë të cilat kanë arritur të paktën pozicionin e dhjetë në listat e Mbretërisë së Bashkuar.
Ora ka lindur në Prishtinë, nga prindër shqiptarë. Nëna e saj, Vera, është psikiatre dhe babai i saj, Besnik Sahatçiu, është ekonomist e pronar kafeneje. Ora ka një vëlla më të vogël, Don, dhe një motër më të madhe, Elena, e cila është gjithashtu pjesë e ekipit të saj të menaxhimit. Ajo ka lindur si Rita Sahatçiu, mbiemri rrjedh nga fjala turke saatçi që do të thotë “orëndreqës”, por prindërit e saj më vonë e shtuan Ora në mënyrë që të mund të shqiptohet lehtë.
Familja e saj u largua nga Kosova për arsye politike, për shkak të persekutimit të shqiptarëve etnikë të filluar me shpërbërjen e Jugosllavisë. Ata u zhvendosën në Londër, Angli në vitin 1991, kur ajo ishte njëvjecare. Ajo u rrit pranë rrugës “Portobello” në Londrën Veriore dhe mori pjesë në St. Cuthbert me shkollën fillore “St Matthias” në Earls Court, pas së cilës u diplomua nga një shkollë e arteve të interpretimit, Sylvia Young School Theatre. Ajo filloi të këndojë në moshë të re.
Tani, Ora është në e martuar me regjisorin Taika Waiti, ku në paraqitjet e tyre të fundit, duken shumë të lumtur./Katror.info
Përgatiti:
