Pesëdhjetë alpinistë, mes tyre edhe ambasadori gjerman në Kosovë, Jorn Rohde, të udhëhequr nga alpinistja e njohur shqiptare Uta Ibrahimi, kanë hapur serinë e vitit 2025 të iniciativës “Ecje me Ambasadorin”.
Këtë iniciativë ata e nisën me një ngjitje drejt Majës së Konjushkës në malet e Sharrit.
“Me një grup prej mbi 50 alpinistësh, përfshirë edhe pjesëtarë të Divizionit Malor të Ushtrisë Gjermane që shërbejnë në KFOR, ishte një mundësi e shkëlqyer për t’u takuar dhe lidhur me ushtarët tanë”, shkruan në facebook Ambasada Gjermane.
Mundesh me e lexu edhe…
Në postim theksohet suksesi më i fundit i Uta Ibrahimit, e cila ka përmbyllur me sukses misionin për të ngjitur të gjitha 14 majat mbi 8,000 metra, përfshirë edhe Kangchenjunga-n, malin e tretë më të lartë në botë.
“Së bashku vazhduam përpara, duke fituar lartësi nëpër mjegull të dendur dhe re. Por, kur arritëm te Liqeni i Konjushkës, pranë majës, u mor vendimi që të ktheheshim mbrapa për siguri. Mali gjithmonë fiton dhe mirëqenia e grupit ishte përparësia kryesore. Kishim planifikuar të takoheshim me kolegët tanë nga Ambasada Gjermane në Shkup në majë – fatkeqësisht, kjo nuk ndodhi. Respekt i madh për Ambasadorin Drexler që arriti në majë”, thuhet ndër të tjera në postim.
Përgatiti:
