Për festat e fundvitit fshati Bishtazhin i Gjakovës zakonisht merr një pamje të veçantë. Për ta dekoruar kujdesen të rinjtë e fshatit në baza vullnetare duke e zbukuruar Kishën e Zojës Rruzare dhe ambientin përreth. Këtë atmosferë banorët e këtij fshati të Gjakovës e krijojnë prej 17 vitesh.
Me pamjet përrallore, nga ky fshat kujdesen që t’ua urojnë të gjithëve festën e Krishtlindjes dhe Vitin e Ri 2024!
Edhe sivjet të rinjtë e fshatit Bishtazhin të Gjakovës kanë zbukuruar kishën dhe fshatin e tyre për festat e fundvitit.
Mundesh me e lexu edhe...
“Kisha e Zojes Rruzare ndodhet në fshatin Bishtazhin të Komunës së Gjakovës. Të rinjtë e fshatit (djem dhe vajza) kanë punuar rreth një muaj rreth këtij dekorimi dhe po ashtu kanë risjellë Betlehemin e gjallë për të treguar thjeshtësinë dhe ngrohtësinë festive”, tha Fran Oroshi, njëri prej të rinjve të fshatit.
“Qëllimi i këtij vendi është bashkimi i njerëzve pa dallime, ndarja e mirësisë ndaj njëri-tjetrit, ngrohtësia dhe gëzimi për të festuar së bashku me nga një gotë verë”, tha ai.
Bishtazhin është një vendbanim në komunën e Gjakovës, në Kosovë. Pas vitit 1999 fshati është i njohur edhe me emrin Bishtaxhin. /Katror.info
Përgatiti:
