Skuadra e Prishtinës ka transferuar mbrojtësin kosovar, Egzon Sinani.Sinani së fundmi ishte pjesë e klubit të Gjilanit, teksa më parë luajti edhe tek Llapi e Ballkani, shkruan GazetaBlic Sport.
Qendër mbrojtësi iu bashkua Prishtinës në fazën përgatitore në Pogradec.
“Qendërmbrojtësi me përvojë, Egzon Sinani, 29 vjeç, ish-futbollisti i Llapit, Ballkanit dhe së fundi Gjilanit, ka pranuar këmbëngulësinë e skuadrës që të jetë pjesë e jona duke iu bashkëngjitur skuadrës në Pogradec,” thuhet në njoftimin e klubit.
Mundesh me e lexu edhe…
Vetë Sinani ka thënë se vendimi për t’iu bashkuar Prishtinës nuk ishte i vështirë.
“Prishtina është klubi më i trofeshëm, me kushtet më të mira dhe nuk e pata të vështirë të pranoja ofertën për t’u veshur “bardhekaltër”, pavarësisht se viteve të kaluara nuk ishin krijuar kushtet dhe rrethanat që më herët t’i bashkohesha skuadrës”.
“Besoj shumë, se minimumi i minimumit të synimit do të jetë pjesëmarrja në garat ndërkombëtare. Por, duke e parë ekipin nga afër se çfarë disponon, jam i bindur që do të ndjekim edhe titullin”.
“Kemi grup jashtëzakonisht të mirë futbollistësh, por më së shumti më gëzon fakti që shumica e futbollistëve janë të rinj dhe po shoh shumë entuziazëm të madh në grup,” ka thënë ai./Katror.info
Përgatiti:
