Kampi i parë Olimpik Stërvitor për vitin 2025 ka mbledhur xhudistë nga 44 vende të ndryshme të botës në qytetin e Mittersill-it. Ky kamp prestigjioz, që mbahet nga data 7 deri më 15 janar, mirëpret plot 848 sportistë, duke përfshirë edhe ekipin e Kosovës, nën udhëheqjen e Kryemjeshtrit Driton Kuka dhe trajnerëve të mirënjohur Majlinda Kelmendi dhe Fatos Tabaku.
Pjesëmarrësit nga Kosova përfaqësohen nga një grup i fuqishëm prej 17 xhudistësh, ndër të cilët janë emra të njohur si Distria Krasniqi, Nora Gjakova dhe Akil Gjakova, të cilët kanë dëshmuar vazhdimisht suksesin e tyre në arenën ndërkombëtare. Në mesin e xhudistëve tpjesëmarrës/e nga Kosova janë edhe Laura Fazliu, Flaka Loxha, Erza Muminoviq, Sidorela Dodaj, Laurine Gashi, Enise Zijade, Dardan Cena, Muhamedin Veseli, Anes Veseli, Blin Kuka, Andi Reshitaj, Furkan Kelmendi, Joni Kuka.
“Kampi Olimpik Stërvitor në Mittersill, Austri po mirëpret xhudistë nga e gjithë bota, përfshirë edhe ekipin tonë nga Kosova! U urojmë xhudistëve tanë suksese në përgatitjet e tyre për sfidat që i presin në garat ndërkombëtare“, thuhet në një njoftimin zyrtar të Federatës së Xhudos të Kosovës.
Mundesh me e lexu edhe…
Kampi Stërvitor në Mittersill është një mundësi e rëndësishme për xhudistët kosovarë të përgatiten për turnetë e ardhshëm dhe të rrisin nivelin e tyre në përballje me sportistët më të mirë të botës. Për më tepër, prania e trajnerëve të shquar si Kuka dhe Kelmendi siguron që ekipi të përfitojë nga trajnimet më cilësore.
Kjo ngjarje shënon një hap tjetër të rëndësishëm në avancimin e xhudos kosovare, një sport që ka sjellë krenari dhe suksese të jashtëzakonshme për vendin në arenën ndërkombëtare./Katror.info
Përgatiti:
