Plot ngjarje këtë javë prej Prishtinës, Prizrenit e Tironës: ekspozita arti, muzikë elektronike e klasike, “festimi” i Ditës së Europës, plus do kukulla lozonjare punk Made in Kosova. Qe top-lista!
Sa e kryjtëm një vikend t’gjatë për 1 maj, po vjen festa tjetër që veq na e kemi ditë pushimi 9 maji, Dita e Europës. Por s’po ankohemi se taman keni kohë me vizitu ngjarje n’tona anët. Ma s’pari po ja nisim me ekspozita: Galeria Qahili feston ditëlindjën e 12-të me plot aktivitete, por ekspozitë të mirë të Esat Vallës ka edhe në galerinë tjetër private të kryqytetit Open Gallery. N’Tironë mundeni me vizitu galerinë e qytetit për ekspozitë të bukur me tema mesdhetare të Aneo Gremit.
Muzikë ka gjethkah: Që doni me kcy deri n’orët e hershme t’mëngjezit, e keni Rave eventin në AMC me super llajnap Fadi Mohem, George Adi, Sama’ Abdulhadi dhe Uran B. Zone e ka Unum pre-party me [a:rpi:a:r]. Edhe n’Prizren keni muzikë të çart, Putan Club vijnë me muzikën e tyne radikale në Destill Garden. E që doni muzikë klasike: Chopin Festi po ja nisë me koncert bash për me festu Ditën e Europës me pianistën Maria Ludwika Gabryś-Heyke ndërsa anej kufinit n’Tiranë orkestra e RTSH po e nis sezonin me Shostakovich. E
Mundesh me e lexu edhe…
E krejt në fund po ju sjellim edhe serinë ma të re të prodhimeve vendore, super urbane e super cool nga Skyte: do kukulla të trenta. Bash si na qysh jemi 🙂
Hajt shihemi gjatë javës nëjkah!
Me kcy: 15-vjetori i RAVE / AMC Hall Prishtinë
Rave travel ja ka nisë si agjencion i specializum pë bileta eventesh ama jon zgjanu në organizim të eventeve, e kanë edhe konferencën vjetore të muzikës. E jon edhe partnerë të Suzanne 🙂 E kanë eventin e madh të radhës me 10 maj në AMC Hall për me festu ditlindjën e 15 (Urime!) me një llajnap krejzi e ekstravagant. Nesër kemi me shkru ma gjatë, kemi edhe giveaways për lexuesit tonë, por shkurt këta janë mysafirët DJ: Fadi Mohem, një DJ dhe producent nga Berlini, i njohun për setet e tij ritmike ku përzihen techno minimaliste dhe tekstura industriale. George Adi, DJ dhe producent nga Rumania, pjesë e skenës së njohur minimal dhe microhouse. Sama’ Abdulhadi njo nga emrat ma të spikatun të skenës elektronike në Lindjen e Mesme. Me origjinë palestineze, ajo është jo vetëm DJ e talentume me një stil të fuqishëm techno, por edhe një simbol i përfaqësimit artistik nga një rajon që kërkon zâ në skenën globale.
Me marrë pjesë: “Për t’12tën – Ditëlindja e Galerisë Qahili” / Galeria Qahili, Prishtinë
Urime ditëlindja edhe Galerisë Qahili! Me 6 maj, Galeria Qahili (në Veternik) shënon 12 vjet krijimtari, me një festë të veçantë që bashkon artin, muzikën dhe shoqninë e mirë artistike. Galeria ju fton mu konë pjesë e kësaj ngjarjeje ku ka mu prezantu koleksioni i Galerisë Qahili, i shoqërum me muzikë, koktej, punëtori dhe atmosferë të lezeçme. Tema e ekspozitës për këtë manifestim të hareshëm osht “Toka”.
Me dëgju: Hapja e Edicionit jubilar Chopin Piano Fest me Maria Ludwika Gabryś-Heyke / Amfiteatri i Bibliotekës Kombëtare
Ditëlindje galore :). Edhe festivali ma i mirë kosovar të muzikës klasike me piano Chopin Fest po i feston 15 vjet dhe hapja osht me 8 maj. Ceremonia e hapjes së edicionit të 15-të të Chopin Piano Fest ka me fillu me performancën e artistes Maria Ludwika Gabryś-Heyke, profesoreshë dhe Shefe e Departamentit të Muzikës së Vjetër dhe e Çembalos në Universitetin e Muzikës “Fryderyk Chopin” në Varshavë. Gabryś-Heyke osht fituese e shumë Çmimeve të Para, përfshirë Konkursin Ndërkombëtar “Ludwig van Beethoven” në Hradec nad Moravicí (Republika Çeke), “Edwin Fischer-Wettbewerb” në Lucernë (Zvicër) dhe “Chopin Golden Ring” në Ptuj, Slloveni.
Me dëgju: Putan Club / Destill Garden, Prizren
Putan Club osht një duet elektro-industrial nga Franca dhe Italia, i njohun për performancat energjike dhe qëndrimet koxha radikale politike. Muzika e tyne përzin noise, techno dhe punk me një mesazh të fuqishëm kundër fashizmit, patriarkatit dhe kapitalizmit. Pra nëse doni muzikë diku mes Jeff Mills dhe Nine Inch Nails, me urgjencën e avant-rock-ut, pulsin e teknos, kaosin e punk-ut dhe shpirtin e revoltës, kolektivi Kolektiv ju fton mu dokë në Prizren në Destill Garden me 10 maj në ora 21:00.
Me pa: Ekspozitë personale e Esat Valla “Arti pamor si rezistencë” / Open Art Gallery, Prishtinë
Open Art Gallery osht një hapsinë relativisht e re për prezantim të punës së krijusve pamorë. Kjo galeri osht hapë më 2023 në lagjen “Çamëria” në Prishtinë e me 7 mars vjen me ekspozitë të mjeshtrit të vjetër Esat Vallës “Arti pamor si rezistencë 1990-99”. Ekspozita osht e kurume nga Zeni Ballazhi ndërsa hapja osht në 19:30.
Me kcy: UNUM festival pre party me [a:rpi:a:r] / Zone, Prishtinë
Eeeeh. Qe edhe një super party. Për herë të parë në Zone Club, A:RPIA:R – Rhadoo, Petre Inspirescu dhe Raresh, më 10 Maj. A:RPIA:R osht qikjo treshja ikonë e muzikës minimale dhe underground nga Rumania — Rhadoo, Petre Inspirescu dhe Raresh. Të njohun për setet hipnotike dhe elegancë muzikore, kta jon pionierë të një skene që ka frymëzu një brez të tanë artistash elektronikë. Janë mjeshtra të skenës muzikore underground. Kjo nuk osht thjesht veç edhe një ngjarje elektronike, osht ma shumë një përplasje tingujsh dhe energjie që sagllam ka me ju tronditë deri në thelb.
Me dëgju: Koncerti i Orkestrës Simfonike RTSH: Shostakovich – Tole / Universiteti i Arteve, Tiranë
Nuk e kemi mbulu kurrë ma heret këtë seri eventesh të muzikës klasike, por po na lexojnë shumë edhe në Shqipni dhe ja edhe një super koncert të muzikës klasike: Stina koncertore e Orkestrës Simfonike RTSH. Në program e keni premierë botërore Vasil S. TOLE “Simfonia – ALBANOI” por edhe Dmitri Shostakovich – Koncert për piano dhe orkestër Nr.2. Dirigjent osht Eno Koco e soliste në piano: Artemida Qarri prej Prishtinës. Koncerti mbahet në Universitetin e Arteve me 9 Maj 2025, në ora 19:00.
Me lujt (menç): Kukullat për përkrahje emocionale të Userfromxk / Prishtinë
Nashta i keni pa nëpër media sociale do kukulla urbane që po i vjerrin nëpër çanta? Në botën e lodrave urbane dhe artit bashkëkohor, Labubu janë bo ndër figurat mă të njohuna dhe të dashuna nga koleksionistët në mbarë botën. E krijume nga artisti Hong-Kongez Kasing Lung dhe prodhume nga kompania e njohur POP MART, Labubu ka pushtu krejt dyjenë. Eeeeeh. Kurgjo s’jon labubu çka jon do kukulla të dizajnume dhe prodhume nga brendi kosovar i njohun për upcycling userfromxk. Krejt punk. Krejt fun. Super kjut. Super po du me pas. Gjatë javës kena me bo story për senet ma t’reja të Skytës.
Me pa: Ekspozitë personale e Anteo Gremi “Kopshti i Ëndrrave” / Galeria e Artit Tirana, Tiranë
Anteo Gremi osht një piktor shqiptar i lindur në vitin 1981 në një qytet të vogël Divjakë, buzë Detit Mesdhe, ku peizazhet dhe kultura ndërthuren me shpirtin e thjeshtë të fshatarësisë. Aktualisht jeton dhe punon në qytetin e Tiranës, edhe tash e ka ekspozitën në Tirana Art Gallery. Ekspozita me unimet me plot ngjyra të dhezta e titullume “Kopshti i andrrave”, inspirume prej momenteve në qytet, natyrë, jetë t’relaksume mes pemësh, me luhaja nër hije, po kemi qef edhe na m’i pa.
Me marrë pjesë: “Festojmë Europën” për Ditën e Europës / Lokacione të ndryshme në Kosovë
Gjithmonë kemi diskutime pse veç na kemi ditë pushimi për Ditën e Europës, por deri sa të diskutohet prapë kjo temë nëpër media, BE po organizen plot evente në Prishtinë, Pejë, Fushëkosovë, e Mitrovicë: prej karavanit të fëmijëve, deri te koncerte në sheshin Zahir Pajaziti me DJ Yll Matoshin dhe Diana Mehmetaj e Majlinda Cikaqi me bende përkatëse. Ka edhe ekspozitë modelesh arkitektonike nga Bonevet dhe plot ngjarje tjera. Me 8 maj e keni edhe shfaqjen e veçantë të filmit “Vajza e rrënojave: Gjermania Viti Zero”. Ky film i fuqishëm trajton rolin dhe qëndrueshmërinë e grave në Gjermaninë e pas luftës, tu eksploru perspektiva historike dhe gjinore gjatë një periudhe vendimtare të rindërtimit. Qe agjenda për krejt festën.
Me kcy: TECHNOSPHERE / Tiranë
E nëse jeni në Tiranë me 9 mars, mundeni me shku në kllabin e dedikum Tecnosphere, me kcy me techno t’pastër me treshen Any B – Arvi Mala – Onplay. Premtohet natë e trentë pranverore, në lokacionin e përshtatshëm afër parkut të Tiranës. Neja fillon në ora 23:00.
Faleminderit që e Lexus edhe një Monday Marks me recenzione e rekomandime. Hajt tash bonjani share se sharing is caring!
Marrë nga Suzzane Podcast.
Përgatiti:
