Po mbërrijmë në gjysën e muajit maj, gati edhe gjysa e vitit (khuuu po shpejt po shkon), edhe po shihet që ngjarjet tipike pranverore-verore po shumohen duke na ngashnjy me aktivitete të tona llojeve.
Për këtë javë ju sjellim festivalin e shtatë “Java e Terapisë së Artit” që organizohet në Kino Armata, qendrën Barabar, Residenca 17 dhe Creative Space të OJQ Cicat. Osht edhe ekspozita e Marigona Ademit, kurume nga Shkelzen Maliqi në Han si dhe një diskutim intrigues për projektin e Runikut titullum “Kultura, Kujtesa dhe Kuptimi i Vendlindjes”, organizume nga Fondacioni HAJDE. Ekspozitë fotografish nga Gaspër Sopi keni edhe në Deli Tartinë në Qafë.
Ka edhe muzikë shumë: nga programi i mbushun javor i Chopin Piano Fest, deri te koncerti i kingave të muzikës latine/rome Gipsy Kings në AMC Hall. Në AMC po vjen edhe Thempa i famshëm, ndërsa DJ Ten Walls zbarkon në Temple të Ferizajit. E nëse keni qef me dëgju, me votu, me kesh me muzikën tepër kiç ama shumë zbavitëse të Eurovizionit (edhe ato tu pi birra), Ambasada Zvicërane ju fton për dëgjim publik eurovisionik në Beer Garden. Ejjjj Shkodra Elektronike, qe e reprezenton Shqipnin, neve na pëlqen tepër edhe menzi spo presim me pa tu e kalll skenën me gegnisht 🙂
Mundesh me e lexu edhe...
Po ju sjellim edhe pak modë, punëdore nga Punë Dritë, një studio simpatike nga Prishtina.
Full house! Shihemi dikah n’qytet
Me pa: Ekspozitë “Transformimi i Botës në Art” nga Marigona Ademi / Hani i 2 Robertëve, Prishtinë
Punimet e Marigona Ademit po na qojnë ka pak mallin e kualitetit përrallor e ëndërrimtar të disa punimeve të Hamdi Bardhit, por Marigona po na vjen tash në Prishtinë me ekspoziten me punime nën titullin “Transformimi i Botës në Art”, që mbahet në galerinë/café Hani i 2 Robertëve, kurume nga dosti jonë Shkelzen Maliqi, e përkrahun nga Ambasada e Francës. Marigona përndryshe osht e lindun në Prishtinë, por si artiste vizuale dhe arkeologe, aktualisht jeton dhe punon në Paris. Ajo osht tu punu në tezën e saj të doktoratës mbi mozaikët romakë në territorin e Moesisë së Epërme. Sipas tekstit për Marigonën botume nga Këshilli i Europës: “pikturat e saj paraqesin peizazhe të ndryshme që shprehin një grumbull përvojash dhe ndjenjash të ndërthuruna, të përcjella nga ngjyrat, energjitë dhe lëvizjet naive e të sinqerta.”
Me marrë pjesë: Festivali “Java e Terapisë së Artit” / Lokacione të ndryshme, Prishtinë
“Java e Terapisë së Artit” osht një festival vjetor që zhvillohet në Prishtinë, i cili synon me promovu randësinë e shëndetit mendor përmes artit dhe me i luftu stigmat që lidhen me këtë temë. Edicioni i shtatë i këtij festivali po mbahet nga data 12 deri më 17 maj 2025.
Gjatë kësaj jave, organizohen aktivitete të ndryshme si punëtori kreative, ekspozita, diskutime publike dhe performanca artistike, të cilat ofrojnë një platformë për individët mu shprehë dhe me reflektu përmes artit. Festivali bashkëpunon me plot organizata joqeveritare dhe organizohet në lokacionet e njoftuna si Kino Armata, qendrën Barebar, Residenca 17 dhe Creative Space të OJQ Cicat. Për ma shumë informacion kqyreni programin në Facebook: Java e Terapisë së Artit.
Me kcy: DJ Themba / AMC Hall, Prishtinë
DJ Themba, i njohun ma parë si Euphorik, osht një producent dhe DJ nga Afrika e Jugut që ka fitu famë ndërkombëtare për përzimjen e muzikës elektronike me elemente të pasuna afrikane. Pas një karriere të suksesshme si Euphonik, Themba nisi një kapitull të ri në vitin 2018, tu u fokusu në një stil ma të thellë dhe emocional të house dhe techno, të frymëzum nga rrajt e tij afrikane. Super vizitë në Prishtinë për një super party në AMC Hall me 17 maj. Biletat i gjeni në RAVE Travel.
Me dëgju: Chopin Piano Fest 15 / Lokacione të ndryshme, Prishtinë
Për ditëlindjen e madhe jubilare të 15-të të Chopin Fest shkrujtëm javën e kalume, por festivali po vazhdon, edhe ato me intenzitet të shtum e agjendë të pasun. Sonte e keni “Schubert Trio” me Sihana Badivuku , Violinë, Jelena Oćić , Çello dhe Artem Yasynskyy , Piano. Masnej kani ngjarje me 14, 16, 17 dhe 19 maj me plot top performues nga shtatë shtete, e programin e plotë e gjeni këtu.
Me fol: Bashkëbisedim “Kultura, Kujtesa dhe Kuptimi i Vendlindjes” / Fondacioni Hajde, Grand Hotel, Prishtinë
Kemi shkru gjansisht për super projektin e renovimit të shpisë së kulturës në Runik, por tash edhe ju mundeni me marr pjese në një mashkëbisedim mbi “Ringjalljen Kulturore dhe Përkatësinë Kolektive” – ndërlidhun me këtë projekt të fillum nga Petrit Halilaj dhe Fondacioni Hajde. Ky bashkëbisedim, sipas organizatorëve “fton një shkëmbim mes përvojave personale dhe vizioneve krijuese. Përmes diskutimeve dhe perspektivave të ndryshme, do të shqyrtojmë se si kultura mund të ofrojë strehë, si tregimet formësojnë hapësirën dhe si kuptimi i vendlindjes ndryshon me kohën. Do të flasim për rolin e artit dhe arkitekturës në proceset e rikuperimit pas-konfliktit, politikën e ruajtjes dhe lidhjet emocionale me vendin.” Sounds inspiring! Shihemi në katin e 6t në Grand, me 13 maj në 18.00.
Me dëgju: Koncert me Gipsy Kings / AMC Hall, Prishtinë
“Bamboleio, bamboleia, Porque mi vida yo la prefiero vivir así!” Krejt i dijmë kangët, ose i kemi këndu dikah gjysëm të dehun, por Gipsy Kings by Diego Baliardo osht vazhdimi i grupit legjendar Gipsy Kings, i udhëhequn nga Diego Baliardo, njani nga themeluesit origjinal. Me energjinë e rumba flamencos dhe ndikime latine, grupi përçon traditën muzikore rome me brez të ri artistësh, përfshirë nipat e Diegos. Tash po vijnë me 14 maj në AMC Hall të Prishtinë, e ju biletat i gjeni – ku tjetër – në RAVE Travel.
Me dëgju: Koncert i Filharmonisë së Kosovës / Pallati i Kulturës “Asim Vokshi”, Gjakovë
Orkestra e Filharmonisë së Kosovës mban koncert në Gjakovë më 15 maj 2025, nga ora 19:30, në Pallatin e Kulturës “Asim Vokshi”. Nën dirigjimin e mjeshtrit eminent bullgar Nayden Todorov (Drejtor i Filharmonisë së Sofjes) dhe me pjesëmarrjen e sopranos së mirënjohur Besa Llugiqi, Orkestra ka me pru një koncert tejet të veçantë për publikun e Gjakovës. Në koncert kanë mu interpretu vepra nga kompozitorët shqiptarë Rexho Mulliqi dhe Kreshnik Aliçkaj, si dhe vepra nga kompozitorë botërorë si Giuseppe Verdi, Giacomo Puccini dhe Manuel de Falla.
Me dëgju e me festu: Netët e Eurovizionit me Ambasadën Zvicërane / Beer Garden Pub, Prishtinë
Ambasada e Zvicrës në Kosovë ju fton në një Mbramje Eurovisioni për me festu faktin që Zvicra sivjet osht mikpritëse e garës bizare europiane të kangës 2025 në Bazel (kanga e Shkodrës Elektronike ‘Zjerm’ osht spektakël). Kjo përndryshe shënon një rikthim që zvicëranët pe qujnë “historik” të Eurovisionit në Zvicër pas më shumë se tridhjetë vjetë. Ku mbahet:? Beer Garden Pub, Prishtinë. Kur: E enjte, 15 maj 2025, ora 19:00 – 23:30! Mbramja fillon me një kuiz në pub me temën Eurovision x Zvicra e nga ora 21:00, munden me këqyr transmetimin live të gjysmëfinales së dytë të Eurovision-it, drejtpërdrejt nga Bazeli. Fun!
Me pa: Ekspozitë fotografish “Gratë e kësaj bote” nga Gaspër Sopi / Tartinë Deli, Prishtinë
Gaspër Sopi osht fotograf, drejtor artistik dhe ndërmarrës që jeton në Londër por tash po kthehet me 15 maj në Prishtinë me “Gratë e Botës”, ekspozitën e tij të parë fotografike në Kosovë, në deli Tartine (te Kafet e Vogla). Punimet jane realizu gjatë një periudhe prej 10 vitesh, në 17 vende të ndryshme që përfshijnë Amerikën e Jugut dhe të Veriut, Evropën, Afrikën Veriore dhe Azinë. Kjo seri fotografish, sipas autorit “paraqet fragmente të çasteve të përditshme, të papërpunuara, ashtu siç shihen përmes jetëve të grave të botës – duke lëvizur mes përditshmërisë dhe mistikes, nga hapësirat e brendshme në ato të jashtme, nga publiku në privatën, duke festuar qëndrueshmërinë, hirin, bukurinë dhe praninë.” Kjo osht edhe një ngjarje bamirësie që ka për qëllim me mbështë AMC Kosovo – një organizatë që punon për përmirësimin e shëndetit të nanave dhe fëmijëve në Kosovë.
Me dëgju: Ten Walls / Temple Bar, Ferizaj
Ten Walls osht emri artistik i Marijus Adomaitis, një producent dhe DJ lituanez i njohur për përzierjen e muzikës elektronike me elemente klasike. Pat fitu famë ndërkombëtare në vitin 2014 me singlin instrumental “Walking with Elephants”, i cili arriti vendin e 6-të në UK Singles Chart dhe u bë një hit në skenën e festivaleve evropiane. Tash po vjen me 17 maj në Ferizaj, ne Temple Bar. Adomaitis përndryshe ka një formim të thellë muzikor, duke studiuar fago në Akademinë e Muzikës dhe Teatrit të Lituanisë. Ky formim klasik ndikon në stilin e tij të veçantë, ku bashkon house, techno dhe struktura orkestrale për me kriju një tingull atmosferik dhe emocional.
Mu vesh: PunëDritë / Prishtinë
Punë dore nga PunëDritë! Studioja e modës PunëDritë ofron një koleksion të veshjesh që janë perfekte për festivalet verore. Me dizajne të freskëta, diell-rrezatuese dhe ngjyra të gjalla, teshat tepër pasqyrojnë qat ndjenjën e lirisë dhe gëzimit që i përshtatet atmosferës festive të verës. Materialet duken tepër të lehta dhe të rahatshme, taman për festivale verore që po na presin!
Marrë nga Suzanne Podcast. /Katror.info
