Sot në orën 16:15 do të zhvillohet një nga ndeshjet më të rëndësishme të këtij sezoni në La Liga, ku Barcelona dhe Real Madrid do të përballen në “El Clasico”-n e shumëpritur. Ndeshja do të luhet në Stadiumin Olimpik “Lluis Companys” në Barcelonë dhe pritet të ketë një ndikim të drejtpërdrejtë në përcaktimin e kampionit të sezonit 2024/25.
Barcelona aktualisht kryeson tabelën me 79 pikë, katër më shumë se rivalët e përjetshëm të Real Madridit, që renditen në vendin e dytë me 75 pikë. Një fitore për skuadrën katalanase do të ishte një hap i madh drejt titullit të kampionit, duke i dhënë asaj një avantazh të konsiderueshëm në javët e fundit të kampionatit.
Në anën tjetër, Real Madridi kërkon me çdo kusht fitoren për të mbajtur gjallë shpresat për titullin dhe për ta mbajtur garën të hapur deri në fund./Katror.info
