Teknologjia e Rregullimit me Rrymë Direkte (DART) kombinon teknologjinë dixhitale të pajisjeve tona dhe teknologjinë analoge të trupave tanë biologjikë
Gjurmuesit modernë të fitnesit ju ndihmojnë të qëndroni të shëndetshëm duke numëruar hapat dhe duke monitoruar rrahjet e zemrës suaj. Hulumtimi i ri nga ETH Zürich sugjeron se pajisjet e ardhshme të cilat bartën, ndoshta të përmirësuara me disa implante dhe një dozë inxhinierie gjenetike, do të përmirësojnë drejtpërdrejt shëndetin tonë.
Përkatësisht, teknologjia eksperimentale e krijuar nga shkencëtarët atje përdor impulse të vogla të energjisë elektrike për të nxitur prodhimin e insulinës në minjtë e testuar me ind pankreatik të krijuar posaçërisht. Kjo “ndërfaqe elektrogjenetike” mund të përdoret për të drejtuar gjenet e synuara sipas nevojës, shkruan Katror.info.
Mundesh me e lexu edhe…
Pajisjet elektronike të cilat bartën po luajnë një rol në rritje në mbledhjen e të dhënave shëndetësore për ndërhyrje mjekësore të personalizuara, shkruajnë studiuesit në punimin e tyre, të botuar në revistën Nature Metabolism.
Natyrisht, pajisjet që bartën ende nuk mund të programojnë drejtpërdrejt terapitë e bazuara në gjen për shkak të mungesës së një ndërfaqeje të drejtpërdrejtë elektrogjenetike. Dhe këtu hyn në lojë zgjidhja zvicerane.
Eksperimenti përdori teknologjinë e rregullimit të drejtuar nga rryma direkte (DART), e cila, thonë studiuesit, kombinon teknologjinë digjitale të pajisjeve tona dhe teknologjinë analoge të trupave tonë biologjikë. Gjegjësisht, ne të gjithë lindim me një grup të caktuar gjenesh, dhe ndërsa ai kod gjenetik mbetet kryesisht i pandryshuar gjatë gjithë jetës sonë, mënyra se si aktivizohen gjenet mund të ndryshojë me kalimin e moshës dhe të ndryshojë zakonet tona. Dhe DART mund të bëhet një mjet për të rikthyer disa nga këto ndryshime.
Duke përdorur këtë metodë, studiuesit ishin në gjendje të stimulonin nivelin e sheqerit në gjak të minjve diabetikë për t’u kthyer në kufijtë normalë. Sigurisht, ne jemi ende shumë larg nga një Fitbit që menaxhon diabetin, por është një provë emocionuese e konceptit.
Një nga sfidat e shumta do të jetë funksionimi i tij në pajisje të vogla. Lajmi i mirë është se DART kërkon shumë pak energji: tre bateri AA do të zgjasin për pesë vjet me sinjale elektrike të aplikuara një herë në ditë.
Studiuesit besojnë se kjo teknologji mund të zhvillohet dhe zgjerohet më tej për të nxitur më shumë sesa thjesht prodhimin e insulinës.
“Ne besojmë se kjo teknologji do të mundësojë që pajisjet elektronike që bartën të programojnë drejtpërdrejt ndërhyrjet metabolike”, thonë studiuesit./Katror.info
Përgatiti:
