Futbollistja me origjinë shqiptare, Elena Sadiku, e cila jeton në Suedi, ka shënuar historinë këtë javë, duke u bërë trajnerja më e re e futbollit në Ligën e Kampionëve të të gjitha kohërave.
“Elena Sadiku shkroi historinë e sportit të martën mbrëma kur u bë trajnerja më e re e futbollit në Ligën e Kampionëve të të gjitha kohërave, si për femra ashtu edhe për meshkuj”, thuhet në njoftim.
Sadiku, e cila është vetëm 30 vjeç, është trajnerja e Skocisë Celtic, që luan për herë të parë në Champions League.
Mundesh me e lexu edhe…
Elena Sadiku udhëhoqi Celtic Women në debutimin e tyre në fazën e grupeve të Ligës së Kampionëve të UEFA-s për femra. Ajo theu rekordin e vendosur nga Julian Nagelsmann në vitin 2018.
Arritja e Sadikut është e jashtëzakonshme, veçanërisht duke pasur parasysh se Celtic Women nuk kishte arritur kurrë më parë në këtë fazë. Një ish-lojtare, karriera e të cilës u ndërpre për shkak të lëndimit, Sadiku kaloi si trajnere pas operacioneve të shumta në gju. Para se të bashkohej me Celtic, ajo kishte role trajnere në Suedi, Danimarkë, Kinë dhe me ekipin U21 të Evertonit.
Ajo udhëhoqi vajzat Celtic në titullin e tyre të parë në Premier League në Skoci dhe ka ndërtuar reputacion të mirënjohur si trajnere./Katror.info
Përgatiti:
