Bëhet e ditur se xAl e Elon Musk ka përfunduar montimin e një sistemi trajnimi të Inteligjencës Artificiale (Al) që përmban 100,000 karta grafike.
Musk njoftoi momentin historik në një postim në X, ndërsa sistemi i quajtur Colossus është prezantuar gjatë fundjavës.
CEO i SpaceX lansoi xAl vitin e kaluar për të konkurruar me OpenAI, të cilin ai aktualisht po e padit për shkelje të supozuar të kontratës.
Mundesh me e lexu edhe…
Startupi zhvillon një linjë të modeleve të mëdha gjuhësore të quajtur Grok, shkruajnë mediat e huaja, përcjell Telegrafi.
Në maj, xAI mblodhi 6 miliardë dollarë në një vlerësim prej 24 miliardë dollarësh për të financuar përpjekjet e saj për zhvillimin e AI.
Ndërkohë, në postimin e kësaj jave, Musk e përshkroi Colossus-in si “sistemin më të fuqishëm të trajnimit të AI në botë”.
Kjo sugjeron që grupi është më i shpejtë se sistemi Aurora i Departamentit të Energjisë së SHBA-së, i cili renditet si superkompjuteri më i shpejtë në botë.
Në një test standard të majit, Aurora arriti një shpejtësi maksimale prej 10.6 ekzaflops me 87% të harduerit të saj aktiv.
Siç thekson Musk, Colossus është i pajisur me 100,000 karta grafike H100 të Nvidia. H100 debutoi në vitin 2022 dhe u rendit si procesori më i fuqishëm i AI për më shumë se një vit. Ai mund të ekzekutojë modele gjuhësore deri në 30 herë më shpejt se GPU-të e gjeneratës së mëparshme të Nvidia.
Miliarderi teknologjik detajoi se xAI planifikon të dyfishojë numrin e çipave të Colossus në 200,000 brenda pak muajsh. Ai shtoi se 50,000 nga procesorët e rinj do të jenë H200.
Si rezultat, përshpejtimi i lëvizjes së të dhënave midis moduleve të memories dhe logjikës mund të rrisë performancën e modeleve të AI.
Ndryshe, çipat e Colossus mund të lehtësojnë potencialisht zhvillimin e modeleve gjuhësore me aftësi dukshëm më të mira.
Kompania thuhet se shpreson të lëshojë pasardhësin e Grok-2 deri në fund të vitit. /Katror.info
Përgatiti:
