Miliarderi Elon Musk ka lëshuar një deklaratë të fortë ndaj gjigantit teknologjik Microsoft, duke parashikuar një dominim të plotë të OpenAI në industrinë e inteligjencës artificiale. Në një koment drejtuar drejtpërdrejt CEO-së së Microsoft-it, Satya Nadella, Musk deklaroi se “OpenAI do ta përpijë për së gjalli Microsoftin”. Kjo deklaratë vjen në një kohë kur marrëdhëniet mes Muskut dhe OpenAI kanë qenë të tensionuara, sidomos pas padisë që Musk ngriti më herët kundër kompanisë që ai ndihmoi të themelohej, duke e akuzuar për largim nga misioni i saj fillestar jofitimprurës, përcjell TAR.
Microsoft ka investuar dhjetëra miliarda dollarë në OpenAI dhe teknologjitë e saj, duke integruar modelet e inteligjencës artificiale të OpenAI në produktet kryesore si Office dhe Azure. Por, duket se Musk e sheh këtë aleancë si një marrëdhënie të rrezikshme për vetë Microsoft-in. Ekspertët e industrisë janë të ndarë mbi deklaratat e Musk-ut, por nuk mohojnë ndikimin në rritje të OpenAI në tregun global të AI. Ndërkohë, kompania xAI e Elon Musk po përpiqet të ndërtojë një alternativë të fuqishme ndaj OpenAI.
OpenAI njoftoi së fundmi se ChatGPT tani do t’u kujtojë përdoruesve të bëjnë një pushim nëse e gjejnë veten në një bisedë veçanërisht të gjatë me këtë chatbot të Inteligjencës Artificiale. Karakteristika e re është pjesë e përpjekjeve të vazhdueshme të kompanisë për t’i bërë përdoruesit të kultivojnë një marrëdhënie më të shëndetshme me asistentin me Al. Njoftimi i kompanisë sugjeron që njoftime do të shfaqen në ekran, që përdoruesit do të duhet të klikojnë ose prekin për të vazhduar përdorimin e ChatGPT. “Keni biseduar për një kohë, a është tani momenti për një pushim?”, thuhet në njoftim. Sistemi është i ngjashëm me njoftimet që lojërat e Nintendo Wii dhe Switch shfaqin kur lojtarët i luajnë ato për një kohë të gjatë. /Katror.info
Përgatiti:
