Shqiptarët që punojnë dhe jetojnë jashtë Shqipërisë kanë sjellë më shumë të ardhura pranë të afërmve të tyre. Statistikat zyrtare tregojnë se në total janë 444 milionë euro të hyra në vend përgjatë periudhës janar-qershor.
Kjo shifër rezulton se është më e larta e regjistruar në 10 vitet e fundit. Vetëm në periudhën prill –qershor prurjet valutore të emigrantëve, shënuan rreth 230 milionë euro, në rritje vjetore prej 20%. Gjatë periudhës është vërejtur rritje jo vetëm e kanaleve formale sistem bankar, por edhe e prurjeve në cash nga vetë emigrantët ose nga persona të tretë, raporton abcnews.al.
Remitancat janë të rëndësishme pasi mbi 26 % e familjeve në vend e kanë si burim të ardhurash. Kriza e çmimeve në eurozonë duket se nuk ka ndikuar në dërgesat e emigrantëve shqiptare, pas uljes së tyre gjatë periudhës së pandemisë, kryesisht nga Italia dhe Greqia
Mundesh me e lexu edhe…
Shtimi i të ardhurave nga emigrantët po ndodh në një kohë që euro është dobësuar ndjeshëm ndaj lekut shqiptar. Banka e Shqipërisë ka argumentuar se një ndër arsyet e forcimit të monedhës kombëtare është edhe rritja e remitancave dhe investimeve të huaja duke ndikuar direkt në fluksin e eurove në treg tonë. Aktualisht një euro po këmbehet me rreth 106 lekë duke humbur gati 4 pikënë 10 ditët e fundit.
Vlerën më të lartë gjatë kësaj vere euro e preku në fund të gushtit ku u këmbye me mbi 110 lekë./Katror.info
Përgatiti:
