Dizajnerja e njohur kosovare e modës u transferua në Arizona të Shteteve të Bashkuara të Amerikës, ku po jep mësim në universitetin shtetëror. Nju Jorku ende i kujton aspiratat e saj globale, ndërsa Prishtina i kujton “dashurinë dhe përjetësinë”.
Nëse e njihni Prishtinën, e dini që qyteti ka një industri në rritje të dizajnit të modës, pjesë e ekonomisë krijuese që po zhvillohet. Por nëse e njihni shumë mirë Prishtinën, gjithashtu do ta dini që Krenare Rugova, një dizajnere mode, ka një vend shumë të veçantë në peizazhin urban krijues.
Kur mendojmë për Kikin, siç e njohin miqtë e ngushtë, mendja na shkon te qasja e saj dekonstruiste dhe minimalistike në modë, në një vend që kërkon ngjyra të ndezura, orientale dhe eksplozive për dasmat; gjithashtu na kujtohet background-i i saj akademik nga Shkolla e Dizajnit Parson në Nju Jork dhe ndoshta e kujtojmë edhe me shfaqjet e saj të para të modës pas luftës së Kosovës.
Mundesh me e lexu edhe…
Krenare Rugova kështu u bë një karakteristikë e përhershme e një qyteti që shmangte çdo gjë të përhershme, nga planifikimi urban tek madhësia e popullsisë dhe deri te zakonet që kemi për bareska dhe kafenetë që na pëlqejnë.
Shfaqjet e saj vjetore, zakonisht në hapësira të hapura me qytetin si sfond, gjithmonë kanë vendosur tonin për atë që do të veshin “fëmijët cool” në lagjet e mbyllura të Prishtinës dhe “mamatë cool”.
Qeshja dhe shpirt i saj i qetë gjithmonë ka qetësuar dhe zbukuruar ishujt e vogla të kreativitetit kosovar që ende nuk kanë arritur të bëhen një arkipelag i qëndrueshëm, shkruan Suzzane Podcast.
Kiki tani është në Arizona, duke hapur një kapitull të ri të jetës së saj.
U transferua me familjen në Phoenix, Arizona dhe filloi të japë mësim në Herberger Institute for Design and the Arts të Universitetit të Shtetit të Arizonës.
Vazhdon të menaxhojë biznesin, studion dhe praninë në Kosovë. Aktualisht po menaxhon këtë dualitet apo dikotomi, por në afat të gjatë, takimi diku në mes, dhe ndoshta në një vend më të centralizuar, si Nju Jorku, do të ishte më e plotësuar. /Katror.info
Intervistën e plotë mund ta gjeni në Suzzane’s Podcast Substrack.
Përgatiti:
