“Ne besojmë që përpjekjet për sigurinë të përfshijnë edhe aleatë që nuk janë pjesë e BE-së. Me këtë ide do të ishte në interes më të mirë për sigurinë evropiane”.
Kështu është shprehur Recep Tayip Erdogan, Presidenti i Turqisë, gjatë fjalës përshëndetëse në hapjen e samitit të Komunitetit Politik Evropian në Tiranë.
Sipas tij, në samit do të diskutohet për një vizion të ri që do të ripërcaktojë rendin, të orientuar nga fryma e përbashkët.
Mundesh me e lexu edhe…
Për Erdogan është e nevojshme të krijohet një arkitekturë gjithëpërfshirëse e qeverisjes, teksa ka theksuar se ka “një potencial të jashtëzakonshëm për bashkëpunim”.
“Duhet të jemi të bashkuar. Ka një potencial të jashtëzakonshëm për të bashkëpunuar në shumë fusha që nga energjia te lëndët minerale e teknologjia”, ka thënë ai.
“Ne të veprojmë të bashkuar, mbi bazën e bashkëpunimit. Për të tejkaluara krizën e besimit në arenën ndërkombëtare, është e nevojshme të krijohet një arkitekturë e drejtë dhe gjithëpërfshirëse globale, e qeverisjes”.
“Jemi në një moment kritik, armët duhet të heshtin, duhet armëpushim”, ka thënë ai për Luftën në Gaza.
“Në këto kohë kritike kur diskutojmë të ardhmen e sigurisë evropianë, përpjekjet e BE-së për të zhvilluar industrinë e mbrojtjes, janë shumë domethënëse”.
Përveç armëpushimit, sipas tij, duhet edhe mobilizim për t’i ofruar Gazës një paqe të drejtë./Albanian Post/Katror.info
