Ish-selektori i Anglisë në futboll prej vitit 2001 deri në vitin 2006, 76-vjeçari Sven-Goran Eriksson, ka dërguar letër emocionuese për Përfaqësuesen e Anglisë, në prag të finales ndaj Spanjës.
“Puna si përzgjedhës i Anglisë të sjellë presion të jashtëzakonshëm. E kam përjetuar atë”, ka shkruar në fillim të letrës që u publikua nga “The Telegraph” të shtunën. Suedezi në veçanti e ka përgëzuar punën e Gareth Southgatet, selektorit aktual të “Tre Luanëve”.
Southgate e drejtoi Anglinë në dy finale rresht në Kampionate Evropiane. Para tre vjetësh në “Euro 2020”, Anglia u mposht nga Italia pas ekzekutimit të penalltive. Të dielën në Berlin luan kundër Spanjës për trofeun e çmuar, shkruan koha.
Mundesh me e lexu edhe…
“Askush nuk ka qenë më afër se Southgate. Gareth ka mësuar nga gabimet tona. Mbi të gjitha, aty ku kemi ngecur ne, në penallti, ai ia ka dalë me sukses”, ka shkruar tutje Eriksson.
“Ju nuk e dini rëndësinë e ditës së diel për të ardhmen e futbollit anglez. Për gjeneratat e ardhshme, vajzat dhe djemtë do të inspirohen”, ka shkruar Eriksson.
Erikssoni me Anglinë shkoi deri në çerekfinale të Kupës së Botës 2002 dhe 2006, si dhe në “Euro 2004”.
Në fillim të vitit, ai njoftoi se vuan nga kanceri në pankreas./Katror.info
Përgatiti:
