Sopranoja shqiptare e njohur në botë, Ermonela Jaho dhe tenori amerikan Charles Castronovo do të prezantojnë koncert madhështor në Teatrin Kombëtar të Operës dhe Baletit, në Tiranë, shkruan KultPlus.
Koncert i titulluar “Rikthimi i Dallëndyshes” i cili do të udhëhiqet nga dirigjenti Jacopo Sipari di Pescasseroli shënon rikthimin e sopranos së mirënjohur Jaho në atdhe, pas performancave të saj të jashtëzakonshme ndërkombëtare.
Lajmi është bërë i ditur nga TKOB, përmes një shkrimi në faqen zyrtare në facebook.
Mundesh me e lexu edhe…
“Krenaria jonë në çdo skenë ndërkombëtare lirike, Ermonela Jaho, pasi ka “shtegtuar” në mbarë botën, rikthehet aty ku nisi gjithçka: në Shqipëri. Më 4 gusht, në sallën e Teatrit Kombëtar të Operës dhe Baletit, së bashku me tenorin amerikan Charles Castronovo në një mbrëmje për të mos u humbur”, thuhet në njoftim.
Koncerti mbahet më 4 gusht, në ora 20:00, në Teatrin e Operas dhe Baletit- Tiranë. Biletat online mund të rezervohen në www.myticket.al/
Përgatiti:
