Prishtina është e gatshme të mirëpresë pingpongistë nga e gjithë bota për edicionin e dytë të “Turneut Ndërkombëtar të Pingpongut në Prishtinë – POTTIT 2024”, i cili do të mbahet në Pallatin e Rinisë dhe Sporteve më 7, 8 dhe 9 qershor 2024. Ky turne tashmë është bërë një nga ngjarjet më të rëndësishme në kalendarin kosovar të pingpongut, duke tërhequr mbi 200 lojtarë nga 22 vende të ndryshme, shkruan Unioni Evropian I Pingpongut (ETTU) për turneun që organizohet nga klubi i pingpongut “Priping”.
Prishtina Open 2024 do të përfshijë kategoritë e moshave për të rinjtë U13, U17 dhe U21, duke u ofruar atyre një mundësi ideale për të treguar talentin e tyre dhe për të fituar përvojë në skenën ndërkombëtare. Veteranët do të jenë gjithashtu pjesë e turneut, duke e bërë këtë ngjarje gjithëpërfshirëse për të gjitha grupmoshat dhe duke u ofruar lojtarëve të pingpongut të të gjitha niveleve një shans për të konkurruar dhe ndarë pasionin e tyre për lojën. Ndërkohë, seniorët dhe femrat do të garojnë më 9 qershor.
Turneu gjithashtu synon të inkurajojë turizmin sportiv në Kosovë dhe të tregojë se Prishtina është qytet evropian i sportit dhe të demonstrojë mikpritjen e saj të ngrohtë dhe kulturën e pasur. Në turne do të jetë i pranishëm edhe ushtruesi i detyrës së Presidentit të ETTU, z. Pedro MOURA, gjë që e vë në pah edhe më shumë rëndësinë që ka turneu si dhe tërheqjen e vëmendjes së ndërkombëtarëve.
Mundesh me e lexu edhe...
“Prishtina është e gatshme të shkruajë një kapitull të ri në historinë ndërkombëtare të pingpongut dhe të mirëpresë lojtarët në një ngjarje që do të mbahet mend për vitet në vijim,” shkruan ETTU./Katror.info
Përgatiti:
