Në një botë ku teknologjia po ecën me hapa të shpejtë, të rinjtë shqiptarë po tregojnë se janë të gatshëm të jenë pjesë e së ardhmes. Me ide të guximshme dhe energji të pashtershme, ata po sjellin ndryshime të mëdha në skenën ndërkombëtare.
Një prej këtyre të rinjve është Fabian Kamberi, një sipërmarrës vizionar dhe bashkëthemelues i kompanisë SLAY — një platformë inovative që bashkon inteligjencën artificiale me universin e lojërave dhe rrjeteve sociale. Me synimin për të krijuar përvoja të reja digjitale për përdoruesit, Kamberi po dëshmon se edhe nga Shqipëria mund të lindin idetë që mund të formësojnë teknologjinë globale.
Prestigjiozja Forbes shkruan për Fabian Kamberin si një nga të rinjtë më premtues të vitit 2025, i cili po përpiqet të ringjallë tregun e metaversit që po zbehet.
Mundesh me e lexu edhe…
Kamberi është bashkëthemelues i kompanisë SLAY, një startup inovativ në Berlin që përdor inteligjencën artificiale për të krijuar aplikacione dhe lojëra që po bëjnë bujë në botën digjitale. Loja e tij më e suksesshme, Pengu, ka kapur imagjinatën e mbi 10 milionë përdoruesve, duke tërhequr një investim prej 20 milionë dollarësh nga emra të mëdhenj si Accel Ventures, Scooter Braun, Riccardo Zacconi dhe Harry Stebbings.
Kjo është shoqëruar edhe me një falënderim nga vetë Fabiani, i cili përmes rrjetit të tij LinkedIn ka falënderuar revistën Forbes për vlerësimin e dhënë ndaj tij dhe kompanisë SLAY. /Katror.info
Përgatiti:
