Fatos dhe Faton Gashi janë vëllezër dhe në të njëjtën kohë partnerë në drejtimin e kompanisë “FF Partner AG”. Fatosi është arkitekt ndërsa Fatoni, inxhinier ndërtimi.
Ata plotësojnë njëri tjetrin në punën që bëjnë, duke synuar më të mirën.
Së fundmi, Fatosi dhe Fatoni shpalosën “sekretin” e suksesit të punës së tyre, duke treguar se cili nga ta është më kërkues, më i guximshëm dhe cili më konservator.
Mundesh me e lexu edhe…
Ata po ashtu folën për themelimin e kompanisë, se nga ka ardhur ideja dhe sa vite kanë që merren me këtë lëmi.
“Ne e kemi themeluar kompaninë më 3 shkurt të vitit 2015 dhe tani jemi aktivë në biznesin e ndërtimit për më shumë se 8 vjet. Ne kishim idenë për të themeluar një kompani së bashku që kur ishim të rinj, por kush mund ta kishte parashikuar që kjo një ditë do të bëhej realitet”, thotë Fatoni.
Ndërsa nuk ngurojnë ta përmendin edhe mbështetjen e parezervë nga komuniteti shqiptar.
“Kemi shumë klientë me prejardhje të ndryshme, por edhe me shumë të tillë nga vendi ynë. Shqiptarët që jetojnë në Zvicër ndjehen me ne sikur janë në shtëpinë e tyre dhe shpejt fitojnë një besim të madh tek ne. Këtë avantazh e kemi vënë re vitet e fundit”, tregon Fatos Gashi.
Vëllezërit thonë se depërtimi në tregun zvicerean të ndërtimit ka qenë i lehtë dhe të qenit shqiptarë nuk ia ka penguar të tregohen të suksesshëm.
“Aspak. Ne jemi rritur këtu dhe të gjitha kualifikimet i kemi bërë në Zvicër. Pra, ne e dimë mentalitetin dhe nevojat e popullatës zvicerane, pavarësisht faktit se ne si “zviceranë me prejardhje të jashtme” duhet të përballemi me paragjykimet”, thotë Faton Gashi.
Shkollimi dhe prejardhje akademie ua ka lehtësuar atyre hapat drejt suksesit.
“Fillimisht ne kemi bërë praktikë si hartues dhe më pas kemi vazhduar shkollimin në rrugë të ndryshme. Vëllai im Fatosi është diplomuar për arkitekt. Nga ana tjetër, unë gjithmonë kam preferuar më shumë punën jashtë zyrës. Kështu, pas diplomimit për inxhinier ndërtimi, kam punuar si menaxher kantieri në një kompani për një kohë të gjatë, ndërsa tani kam bërë edhe masterin në ekonomi ndërtimi”, shpalosë Faton Gashi.
Ndërsa bashkëpunimi mes vëllërisht nuk mungon asnjëherë.
“Fushat tona të përgjegjësisë janë të ndara qartë, kështu që ne plotësojmë njëri-tjetrin në mënyrë të përsosur. Fatosi është më i përkushtuar ndaj arkitekturës dhe unë kam përgjegjësinë për realizimin dhe menaxhimin e kostos”, tregon Faton Gashi.
Gjithashtu ata treguan edhe kuptimin mbrapa emrit “FF Partner AG”.
“Po, siç u përmend më parë, rolet tona janë të ndryshme. Kjo është arsyeja pse “slogani” ynë FF Partner AG (arkitekturë dhe realizim) është i njëjtë, me FF që nënkupton inicialet tona ashtu që arkitektura është fusha e përgjegjësisë së Fatosit, ndërsa realizimi është fusha ime e përgjegjësisë” përfundon Gashi./Katror.info
Intervista u realizua nga Albinfo.
Përgatiti:
