Edhe përgjatë ditëve në vazhdim, na pret energji shume e mirë nga shumë festivale që po mbahen dhe do të mbahen në vendin tonë. E fillojmë ciceronin kulturor me ‘Etno Fest’, i cili ka filluar me datën 13 gusht dhe do të zgjas edhe pak ditë. Edicioni i 13-të me radhë, i Festivalit të Arteve dhe Kulturës Tradicionale, po vazhdon të mbahet në etno-kompleksin e Fshatit Kukaj. ‘Etno Fest’, ndryshe një nga ngjarjet më të rëndësishme kulturore në Kosovë dhe një urë e vlefshme e diskutimeve për artin, të kaluarën dhe të tashmen e kulturës dhe shoqërisë sonë, është shndërruar në njërin prej festivaleve më me vlerë. Ai do të përmbyllet këtë vikend, të dielën me 20 gusht, kështu që nëse nuk e keni vizituar ende, keni kohë edhe pak ditë.
Festivali tjetër, ju pret në Gërmi, më saktësisht në pishinën e Gërmisë. Bëhet fjalë për ‘Summer Gathering 2023’, i cili sivjet do të realizohet në Pishinën e Gërmisë, sot. Organizatorët e kësaj feste, kanë propozuar edhe kodin e veshjes, ku preferojnë të vishni këmishat e verës, ti vendosni lulet n’qafë apo preferohet stili ‘Hawaiian Beach’.
‘Street Party Prishtina 2023’, sivjet vjen me edicionin e 4-të me radhë. Ky edicion do të mbahet me 3 shtator, tek Kafet e Vogla, rruga Fehmi Agani dhe organizatorët premtojnë se aty do të ketë shumë muzikë, art, inovacion e dashni! Tema e këtij edicioni është “Për qytetin tonë!”, si festë e krijimtarisë, artit dhe e muzikës, në Prishtinë.
Mundesh me e lexu edhe…
Festivali më i madh në Kosovë ‘Hardh Fest’, sivjet po vjen me një maratone festive gjatë tërë vitit si dhe me përditësim të aktiviteteve atraktive dhe unike, duke festuar vitin jubilar të 20-të. Festivali do të mbahet në datat 3, 4 dhe 5 shtator 2021, n’Konak të Rahovecit.
Këto janë vetëm disa nga ngjarjet kulturore në vendin tonë, për gjithë ju që dëshironi të jeni pjesë e këtyre festivaleve, atëherë rezervoni datën që ju e preferoni. /Katror.info
Përgatiti:
