Çdo vit, më 9 maj, Evropa feston Ditën e Evropës, në përkujtim të deklaratës së Robert Schuman-it të vitit 1950, e cila hodhi themelet për krijimin e Bashkimit Evropian. Kjo ditë simbolizon paqen, unitetin dhe bashkëpunimin mes vendeve evropiane pas shkatërrimeve të Luftës së Dytë Botërore, dhe konsiderohet si momenti i lindjes së asaj që sot njihet si BE.
Në Kosovë, kjo ditë do të shënohet me një program të pasur kulturor dhe edukativ në zemër të Prishtinës. Aktivitetet organizohen nga Zyra e Bashkimit Evropian në Kosovë dhe mbahen nën moton “Festojmë Evropën”, shkruan Katror.info.
Ceremonia zyrtare e hapjes do të mbahet në ora 14:00 në amfiteatrin e sheshit “Zahir Pajaziti”, ku Ambasadori i BE-së në Kosovë, Aivo Orav, do të hapë zyrtarisht aktivitetet e Ditës së Evropës.
Mundesh me e lexu edhe…
Në vijim, qytetarët janë të ftuar të vizitojnë Panairin e Ekipit të Evropës (14:00 – 18:00), ku do të ekspozohen shtande të shteteve anëtare të BE-së dhe të Zyrës së BE-së në Kosovë. Për më të vegjlit, do të organizohet Karvani i Ditës së Evropës, me aktivitete argëtuese dhe performanca nga Kori “Okarina” dhe “Prishtina Rock School” (14:30 – 16:00).
Mbrëmja do t’i dedikohet muzikës dhe festës me performancën e DJ Yll Matoshi (17:00–19:00), pasuar nga koncertet e artistëve të njohur:
Diana Mehmetaj dhe bendi (19:00–20:00)
Majlinda Cikaqi dhe bendi (20:00–21:00)
Capital T (21:00–22:00)
Ndërkohë, në Mitrovicë Veriore, duke filluar nga ora 20:00, Krim Pub do të organizojë koncertin “Europe Day Pirit Fest” me grupet “The Bad Week” dhe “Something Went Wrong”.
Dita e Europës vazhdon edhe pas 9 majit, me Javën e Start-up-eve Europiane që do të zhvillohet nga 12 deri më 16 maj në TechPark dhe Europe House Prishtinë./Katror.inf
Përgatiti:
