Prishtina hapi festivalin më të rëndësishëm në vend, Sunny Hill Festival, që është edhe një nga ngjarjet më të mëdha muzikore në rajon. Dhe dita e mbrëmja e sotme premton spektakël të vërtetë.
Dua Lipa, krenaria shqiptare me famë botërore dhe themeluese e festivalit, do të ngjitet në skenën kryesore mbrëmjen e sotme, duke performuar disa nga hitet e saj më të mëdha. Ajo po ashtu do të performojë bashkë me babain, Dukagjin Lipa.
Pas mesnate, atmosfera do të marrë një tjetër dimension kur në skenën C4 të dalë legjenda britanike e muzikës elektronike, Fatboy Slim, me një set të zjarrtë.
Mundesh me e lexu edhe…
Përveç tyre, line-up-i i sotëm përfshin edhe artistë të njohur shqiptarë si Deezy, Art Lokaj & TNM, Kida, Sienna Spiro, Cil, Edis dhe Tayna, të cilët do të ndezin publikun para dy emrave kryesorë të mbrëmjes.
Në këtë edicion, përveç Dua Lipës, adhuruesit e muzikës do të kenë mundësi që gjatë tri netëve të festivalit të ndjekin performancat e yjeve të tjerë të muzikës, siç janë Mendes, Fatboy Slim, Peggy Gou, Anyma, Mochakk dhe shumë të tjerë.
Organizatorët kanë premtuar se ky edicion do të jetë më i madhi dhe më spektakolari deri më tani.
Sunny Hill Festival premton përvojë unike muzikore dhe energji që do të zgjasë për tri ditë me radhë./Katror.info
Përgatiti:
