Si çdo vit, Festivali i Filmit Frankofon rikthehet me diversitetin, kreativitetin dhe pasurinë e kinematografisë frankofone. Për edicionin e tij të 25-të, festivali do të mbahet nga 22-29 tetor 2025, me temën e modës.
I organizuar nga Ambasada e Francës në bashkëpunim me Ambasadat frankofone të Belgjikës, Luksemburgut dhe Zvicrës, festivali do të ofrojë një javë shfaqjesh, takimesh dhe diskutimesh të fokusuara në kinemanë bashkëkohore frankofone.
Festivali do të hapet të mërkurën, më 22 tetor, në orën 19:00, nga Ambasadori i Francës, Olivier Guerot në prani të ambasadorëve frankofonë dhe të ftuarve të shumtë, me shfaqjen e filmit Couture, nga regjisorja franceze Alice Ëinocour, me aktorët Angelina Jolie dhe Louis Garrel. (Filmi është i realizuar në vitin 2025 dhe ka pasur premierën botërore në Festivalin Ndërkombëtar të Filmit në Toronto (TIFF) në shtator të këtij viti, dhe më pas është shfaqur në Festivalin e Filmit në San Sebastian në tetor, ndersa tani kemi nderin ta bejme hapjen ne në Edicionin e 25-të të Festivalit të Filmit Frankofonë në Kosovë).
Mundesh me e lexu edhe…
“Shaqjes së filmit do t’i paraprijë një performancë artistike që bashkon Modën dhe Kinematografinë, kjo performancë është realizuar në bashkëpunim me Akademinë Evolucion. Edhe pse tema e këtij edicioni është moda, ai trajton kryesisht solidaritetin midis grave përballë vështirësive. Moda bëhet një sfond simbolik për të evokuar çështje universale sociale: qëndrueshmërinë, ndihmën e ndërsjellë dhe forcën femërore”, njofton Ambasada e Francës në Kosovë, shkruan RTKlive.
“Festivali i Filmit Frankofon në Prishtina fton publikun gjatë gjithë javës për tê shikuar një përzgjedhje filmash nga e gjithë bota frankofone, me kreativitetin, diversitetin kulturor dhe zërat e kinemasë së sotme. Një konferencë me temën “Moda dhe Kinemaja” do të zhvillohet më 28 tetor në orën 11:00. Programin dhe të gjitha detajet do ta gjeni në mediat sociale të Ambasadës Franceze në Kosovë dhe Institutit Francez në Kosovë”, njofton Ambasada e Francës në Kosovë./Katror.info
