Në përputhje me rregullat e privatësisë, filmimi dhe fotografimi në spitale është i ndaluar.
Kjo masë është e rëndësishme për të mbrojtur të drejtat dhe intimitetin e pacientëve, si dhe për të respektuar vullnetin e tyre për të ruajtur informacionet private.
Sipas Ligjit nr. 06/L-082 për Mbrojtjen e të Dhënave Personale, specifikohen të drejtat e individëve lidhur me mbrojtjen e të dhënave personale, përfshirë të drejtën për të mos u fotografuar apo filmuar pa lejen e tyre. Sipas këtij ligji, çdo përdorim i të dhënave personale, përfshirë imazhe dhe video, kërkon pëlqimin e personit të përfshirë, përveç rasteve të veçanta që janë të parashikuara nga ligji.
Mundesh me e lexu edhe…
Në nenin “Përpunimi i të Dhënave Personale”, thuhet:
“Përpunimi i të dhënave personale është i lejuar vetëm nëse ka një bazë ligjore të qartë, siç është pëlqimi i shprehur nga personi i prekur, ose nëse është i nevojshëm për mbrojtjen e interesave jetike të individit.”
Ky ligj gjithashtu përcakton masat e sigurisë dhe mundësitë për sanksione ligjore në rast të shkeljes së të drejtave të individëve mbi të dhënat e tyre personale.
Për më tepër, sipas Ligjit për Privatësinë dhe Mbrojtjen e të Dhënave, secili individ ka të drejtën e informacionit dhe kontrollit mbi të dhënat e tij, përfshirë ato që mund të mblidhen përmes filmimeve dhe fotografive. Kjo e drejtë është e mbrojtur nga ligji dhe çdo shkelje e saj mund të ketë pasoja të rënda ligjore për ata që nuk e respektojnë.
Ky ligj përcakton parimet dhe rregullat për përpunimin e të dhënave personale, duke synuar mbrojtjen e të drejtave dhe lirive themelore të individëve, veçanërisht të drejtën për privatësi. /Katror.info
Përgatiti:
