Një numër rekord projektesh të energjisë së gjelbër kanë siguruar financim në ankandin më të fundit për energjinë e rinovueshme në Mbretërinë e Bashkuar.
Mes projekteve të mbështetura nga ankandi prej 1.5 miliardë paundësh është ai që do të bëhet ferma më e madhe e erës në Europë. Ky ankand sheh ofruesit e energjisë që konkurrojnë për kontrata për të prodhuar energji të pastër në çmimin më të ulët.
Pritet që ankandi të sjellë një sasi rekord të energjisë rinovueshme – mjaftueshëm për të furnizuar rreth 11 milion shtëpi, përcjell Katror.
Mundesh me e lexu edhe…
Ankandi i fundit në Shtator, i udhëhequr nga qeveria e mëparshme, dështoi të tërheqë ndonjë ofertë për energjinë nga era e detit. “Suksesi i ankandit të sotëm dërgon një sinjal të qartë që MB është rikthyer në garën globale për investimet në energjinë e pastër,” tha Dan McGrail, shefi ekzekutiv i RenewableUK, shkruan PositiveNews.
Megjithatë, edhe pse suksesi i ankandit të fundit është një lajm i mirë, ai theksoi se është e nevojshme një “rritje e madhe” nga qeveria për të arritur objektivat e saj për energjinë e pastër. Deri në vitin 2030, Mbretëria e Bashkuar dëshiron që 95% e energjisë elektrike të vijë nga burimet e rinovueshme./Katror.info
