A ju kujtohet Ricardo Marinello (34)? Në vitin 2007, tenori nga Düsseldorf fitoi sezonin e parë të “Das Supertalent”. Por më pas rreth tij ra një heshtje dhe ai u zhduk nga skena për një kohë të gjatë. Tani ai është kthyer – dhe si! Ai po shijon sukses të madh me kanalin e tij TikTok. Dhe tani ai gjithashtu dëshiron të pushtojë edhe Amerikën.
“Deri në fund të vitit 2022 kam fituar aq shumë sa për të përballuar jetesën”, thotë ai.
Ricardo Marinello është në TikTok “The Sudden Singer”. Në vendet më të çuditshme si restorantet apo kafenetë, ai fillon të këndojë nga hiçi. Ai po merr shumë vlerësim ndërkombëtar për videot që poston në platformën e rrjeteve sociale. Për shembull, më shumë se 42 milionë njerëz shikuan një klip nga një piceri në afërsi të qytetit gjerman, Ahen.
Mundesh me e lexu edhe…
Një sukses i mahnitshëm për këngëtarin, i cili përjetoi shumë ulje-ngritje pasi fitoi “Das Supertalent” 17 vite më parë. Shumë shpejt nuk mbeti asgjë nga çmimi Supertalent. Në moshën 21-vjeçare, ai madje duhej të paraqiste falimentimin.
Ideja e TikTok e ktheu atë në biznes. “Deri në fund të vitit 2022, kam fituar mjaftueshëm për të përballuar jetesën. Por që nga marsi/prill 2023 kam fituar 100 herë më shumë”, tha Ricardo në një intervistë për kanalin televiziv gjermam, RTL.
Tani 34-vjeçari dëshiron të ndërtojë mbi këtë sukses digjital dhe dëshiron të fillojë karrierë edhe në botën analoge. Sepse ai nuk fiton shumë para me videot e tij në TikTok, por me rezervimet që vërshojnë përmes vëmendjes në rrjet.
Dhe në fakt, ai tashmë njihet në rrugët në SHBA. Videoja e mësipërme tregon se si shkoi paraqitja e tij e parë e madhe në Nju Jork dhe pse ai arriti kufijtë e tij./Katror.info
Përgatiti:
