Planetët e rinj të ngjashëm me Tokën mund të zbulohen së shpejti pasi shkencëtarët kanë bërë një përparim teknologjik.
Fizikantët e Universitetit Heriot-Watt të Edinburg dhe të Kembrixhit kanë zhvilluar një mjet të quajtur “astrokomb” që mund të analizojë dritën e kaltër dhe të gjelbër të emetuar nga yjet.
Bëhet e ditur se “astrokombet” mund të zbulojnë dritën e një ylli të krijuar nga ekzoplanetët që rrotullohen në orbitë, duke zbuluar kështu potencialisht një të ngjashëm me Tokën, shkruan skynews, përcjell Telegrafi.
Mundesh me e lexu edhe…
Ato janë kufizuar kryesisht në pjesën e gjelbër dhe të kuqe të spektrit të dritës, por sistemi i ri ofron mundësinë për të zbuluar edhe më shumë sekrete hapësinore.
“Ky është një zhvillim vërtet emocionues që do të na mundësojë të studiojmë planetë më të vegjël në orbita më të gjata se kurrë më parë, me synimin për të zbuluar planetin e parë si Toka që rrotullohet rreth një ylli të afërt të ngjashëm me Diellin”, tha Dr. Samantha Thompson nga Kembrixhi.
Ndryshe, kjo teknologji po zhvillohet për teleskopin jashtëzakonisht të madh (ELT) i cili ndodhet në shkretëtirën Atacama të Kilit por ende është në ndërtim e sipër.
Teleskopi do të ketë një pasqyrë parësore 39 metra dhe do të jetë teleskopi më i madh për rreze infra të kuqe në botë.
Siç raportohet, në zhvillimin e “astrokombeve” po punon edhe ekipi i Mbretërisë së Bashkuar në Afrikën e Jugut dhe Ishujt Kanarie. /Katror.info
Përgatiti:
