Fondi i Kosovës për Efiçiencë të Energjisë njofton të gjithë përfituesit e “Thirrjes Publike për Subvencionimin e Masave të Efiçiencës së Energjisë në Shtëpitë Individuale” se është shtyrë afati për aplikim të disbursimit, deri më 30 prill 2025.
Në kumtesën për media bëhet e ditur se shtyrja e afatit të kryerjes së punimeve vlen për të gjithë aplikuesit që janë duke kryer punimet si përfitues të thirrjes së dytë publike (gusht 2024) dhe aplikuesit e listës së pritjes nga thirrja e parë publike (gusht 2023), për të cilët auditimi i energjisë është kryer nga FKEE.
Vendimi për shtyrje të afatit është bërë në bashkëpunim me donatorin e këtij projekti, Bashkimin Evropian, theksojnë nga FKEE, duke shtuar se luten të gjithë përfituesit që kanë pranuar letrat e para-aprovimit, të kryejnë punimet dhe të aplikojnë për disbursim brenda këtij afati, përmes dorëzimit të dokumentacionit të kërkuar sipas thirrjes publike. /Katror.info
Mundesh me e lexu edhe…
Përgatiti:
