Përzgjedhësi i Kosovës, Franco Foda, ka thënë se Sllovakia ka ekip shumë të mirë. Por ka kujtuar fitoret ndaj Suedisë, Sllovenisë dhe Islandës në udhëtim. Ai ka thënë se do të jetë ndeshje e barabartë.
Ndeshja e plejofit për Kupën e Botës 2026 ndërmjet Sllovakisë dhe Kosovës, zhvillohet më 26 mars të vitit të ardhshëm. Kosova do të jetë mysafire e Sllovakisë. Por nëse kalon Sllovakinë, në stadiumin “Fadil Vokrri” do ta presë fituesin e duelit Turqi – Rumani.
“Ndeshja e parë është si mysafir kundër Sllovakisë. Sllovakia ka një ekip shumë të mirë. Ata fituan në shtëpi kundër Gjermanisë 2:0. Por bazuar në rezultatet tona të fundit, kemi fituar si mysafir në Suedi, në Slloveni dhe gjithashtu kundër Islandës si mysafir. Ekipi tani ka shumë vetëbesim dhe do të jetë një ndeshje e barabartë. Dhe, nëse e fitojmë këtë ndeshje, pastaj kemi një ndeshje në shtëpi ku mund të vendosim gjithçka. Por siç thashë, ndeshja më e rëndësishme është ndeshja e parë në Sllovaki dhe pastaj të shohim tutje”, ka thënë Foda për Federatën e Futbollit e Kosovës të enjten pas shortit. Shorti u tërhoq në Cyrih të Zvicrës. /Koha/Katror.info
