Me ftesë të Shefit të Shtabit të Përgjithshëm të Forcave të Armatosura të Turqisë, Gjeneral Metin Gürak, Komandanti i Forcës së Sigurisë së Kosovës (FSK), Gjenerallejtënant Bashkim Jashari, po qëndron për vizitë zyrtare në Republikën e Turqisë.
Gjatë takimit me Gjeneral Gürak, është diskutuar për thellimin e bashkëpunimit ushtarak mes dy vendeve, me theks të veçantë në ngritjen e kapaciteteve të FSK-së përmes trajnimeve, stërvitjeve të përbashkëta dhe shkëmbimit të përvojave profesionale.
Në kuadër të kësaj vizite, Gjenerallejtënant Jashari është takuar edhe me Ministrin e Mbrojtjes Kombëtare të Turqisë, Yaşar Güler.
Mundesh me e lexu edhe…
”Bashkëpunimi me Republikën e Turqisë mbetet thelbësor për forcimin e kapaciteteve mbrojtëse të Kosovës dhe kontributin ndaj sigurisë rajonale e globale”, thuhet në njoftim.
Në këtë takim u rikonfirmua partneriteti strategjik ndërmjet Kosovës dhe Turqisë, si dhe mbështetja e fuqishme e Ankarasë për profesionalizimin e FSK-së.
Sipas njoftimit, në takim u diskutuan gjithashtu temat që ndërlidhen me blerjet ushtarake, zhvillimin e industrisë së mbrojtjes dhe trajnimet e avancuara.
Tutje thuhet se gjatë vizitës, Komandanti i FSK-së vizitoi njësitë e forcave speciale, zhvilloi takime me përfaqësues të institucioneve dhe industrisë turke të mbrojtjes, si dhe takoi kadetët e FSK-së që ndjekin studimet në akademitë ushtarake në Turqi. /Katror.info
Përgatiti:
