Siç raportojnë mediat britanike, Fiesta e fundit do të dalë nga linja e prodhimit më 7 korrik, pasi kompania Ford vendosi të ndalojë prodhimin e këtij modeli në fund të vitit të kaluar.
Kjo i jep fund 47 viteve të prodhimit dhe tetë gjeneratave të Fiesta-s. Dy ekzemplarët e fundit do të mbeten në Ford, njëri do t’i bashkohet flotës ndërkombëtare të kompanisë me seli në Këln, Gjermani, fabrika ku u prodhua makina, dhe tjetri është i destinuar për flotën e trashëgimisë në Mbretërinë e Bashkuar, raporton Autoblog.
Fiesta u ndërpre sepse markës i nevojitej kapaciteti i fabrikës për të prodhuar SUV-in elektrik Ford Explorer, zbuloi Martin Sender, drejtor menaxhues i Ford Model E Europe në fund të vitit të kaluar, shkruan Katror.info.
Mundesh me e lexu edhe…
Karburant me cilësi të lartë për performancë maksimale të makinës suaj
“Ne vendosëm të prodhojmë automjetin tonë elektrik këtu në Këln,” tha Sender.
“Ka ardhur momenti kur na duhet hapësirë shtesë prodhimi, sepse po e shndërrojmë fabrikën e prodhimit të Fiestas në një fabrikë për automjete tërësisht elektrike. Prandaj na u desh të merrnim vendimin për të ndërprerë prodhimin e kësaj makine.”
Qendra EV në Këln, fabrika e parë e Fordit pa karbon (kur bëhet fjalë për emetimet e gazit), u hap zyrtarisht më 12 qershor.
Fiesta është një nga disa modele e Ford-it që gradualisht në periudhën afatgjatë do të tërhiqet nga prodhimi, ndërsa marka po përgatitet për elektrifikim të plotë.
Modelet e fundit S-MAX dhe Galaxy MPV dolën nga linja e montimit në prill 2023 dhe prodhimi i Focus do të përfundojë në vitin 2025.
Kompania pret të shesë 600,000 automjete elektrike në vit që nga viti 2026 nën divizionin e saj Ford Model E, i cili operon veçmas nga divizionet e veta të makinave dhe automjeteve komerciale SUS (Ford Blue dhe Ford Pro).
Ford njoftoi më parë se do të shesë vetëm automjete elektrike në Evropë nga viti 2030. /Katror.info
Përgatiti:
