Gjiganti teknologjik në vend, konferenca ndërkombëtare “FOSS4G” po vazhdon në Prizren. Në një video me dromca sekuencash nga dita e tretë e konferencës jehon fuqia që ky organizim ka në vete, fjalimet e punëtoritë, diskutimet futuriste e socializimi ndërshtetëror i cili dallohet edhe nga pamjet.
FOSS4G jo veç që erdhi si mundësi për njohje të teknologjisë gjeo hapësinore në Kosovë, por edhe si shans për zhvillimin e turizmit. Është për t’u duartrokitur mënyra e organizimit, por është edhe për t’u lavduar fakti që ka arritur të bëjë bashkë në Kosovë 1,000 pjesëmarrës nga 120 vende të botës. Sigurisht se është një prej ngjarjeve që kthen sytë e ndërkombëtarëve drejt një vendi ku mundësitë shpesh janë të pakta, por potenciali dhe entuziazmi është përherë në nivel.
Mundesh me e lexu edhe…
Në ceremoninë hapëse pjesëmarrësit janë informuar me të gjitha detajet e organizimit, duke nisur me hapësirat e ITP-së, identifikimin e stafit, programin në detaje të ndarë me ditë.
E pranishme ka qenë edhe ministrja e Ekonomisë, Artane Rizvanolli e cila e vlerësoi lartë konferencën.
“Mos harroni ta shijoni vizitën tuaj në Kosovë, në shtetin tonë të bukur. Mos harroni të kaloni kohë me njëri tjetrin. Më e rëndësishmja shijoni gjërat më me vlerë të konferencave, të cilat janë përtej workshopeve, fjalimeve, aftësive e njohurive, është te relacionet që ndërtojmë, te shoqëria e partnershipi”, iu drejtua ajo pjesëmarrësve.
Ndërkaq sot konferenca karakterizohet sërish nga një program maratonik.
Nga të gjitha workshopet e ngjarjet që e karakterizojnë ditën e sotme vlejnë të përmenden “Migration strategies: Or how to get rid of a deprecated framework .ical” , “Let’s defense my country using FOSS4G! .ical” , “Geological Service of Kosovo – Legal Infrastructure, Responsibilities & Technical – Analytical Research Capacities in Geology .ical”, e “Türkiye and Syria Earthquakes Mapping Response .ical”.
Sot pjesëmarrësit do të kenë rastin të përjetojnë edhe “Gala Dinner”, duke filluar nga ora 19:00 në hapësirë të jashtme të ITP-së, ku do të kenë ratsin që duke darkuar të ndajnë eksperiencat e tyre në FOSS4G e të socializohen. Në të njëjtën kohë organizatorët janë kujdesur që të kenë edhe muzikë përgjatë kësaj nate.
Ndërkaq nesër (30 qershor) konferenca vazhdon me pjesën akademike nëpërmjet fjalimeve si “How UNICEF is leveraging open-source geospatial solutions to drive better results for children .ical” , “Revolutionizing Solar Potential Assessments in Kosovo Using Drones and Machine Learning .ical”, “Tracking Climate Change in Africa with open data .ical” e shumë fjalimeve tjera që eksplorojnë botën e teknologjisë.
E ceremonia mbyllëse do të mbahet si festë për javën e mësimit, analizimit e lidhjes me njëri tjetrin përgjatë këtij edicioni i cili zbarkoi në Kosovë dhe shënoi ardhjen e parë në Ballkan. Pas orës 18:00 në objektin kryesor do të zhvillohet edhe një party si kremtë për gjigantin teknologjik.
Katror Media si partneri medial i vetmi vendor do të vazhdojë t’ju mbajë të informuar për një prej ngjarjeve më të mëdha në Kosovë sa i përket kësaj fushe. / Katror.info
Përgatiti:
