Fshati më i pasur në Kinë, ku të gjithë banorët janë “pasanikë”

Huaxi është “fshati” më i pasur në Kinë dhe përfaqëson një ëndërr të pakapshme për shumë kinezë.

Krahas planifikimit urban dhe ekonomisë që nuk ndalet për asnjë moment, Huaxi shquhet edhe për standardin e lartë të jetesës, i cili bie në sy në krahasim me pjesën tjetër të Kinës.

Në 55 vjet, Huaxi është shndërruar nga një zonë e varfër rurale në një simbol të zgjerimit ekonomik të vendit, i mishëruar në hotelin 326 metra të lartë që zbukuron qendrën e fshatit. Ndërtesa luksoze ka 60 kate, 826 dhoma dhe tashmë në katin e parë do të përshëndeteni nga një statujë demi me vlerë 30 milionë paund, prej ari të pastër.

Pyetja se si Huaxi u shndërrua nga një fshat i varfër në gjithë luksin që e rrethon është ende e mbuluar me mister. Banorët nuk flasin për pasurinë e tyre dhe ajo konsiderohet sekret dhe qasja e tyre në media është mjaft e kufizuar.

Secili nga 2000 banorët, që jetojnë zyrtarisht këtu, kanë më shumë se 143,000 dollarë në llogarinë e tyre bankare dhe jetojnë në pallate. Në fakt, të gjithë jetojnë në vila krejtësisht identike.

Megjithatë, ka një të metë. Nëse largoheni nga fshati dhe vendosni të zhvendoseni diku tjetër, ju humbni gjithçka që keni në llogarinë tuaj bankare dhe natyrisht rezidencën, kështu që për shkak të këtij rregulli pothuajse askush nuk lejohet të largohet nga fshati i artë sepse do të mbeten pa asgjë dhe përfundojnë në rrugë.

Të përmendim gjithashtu se shumica e banorëve punojnë shtatë ditë në javë, ndaj lind pyetja, ku dhe kur mund t’i shpenzojnë banorët gjithë ato para? Me sa duket vetëm në Huaxi.

Rreth 30 vjet më parë, ky fshat ishte vetëm një nga fshatrat e varfër kinezë, me një popullsi prej rreth 600 banorësh.

Por më pas një zyrtar i lartë i partisë, Wu Renbao, doli me një plan që supozohej të sillte prosperitet në fshat. Ai shpejt themeloi disa kompani dhe i ktheu të varfërit në të pasur.

Mediat u interesuan për Huaxi në vitin 2004, kur u njoftua se një banor i fshatit fiton mesatarisht gati 18 mijë dollarë në vit, që është shumë dukshëm më e lartë se sa mund të fitosh në provincat e tjera kineze.

Për të demonstruar forcën e fshatit, në vitin 2011, autoritetet ndërtuan një rrokaqiell magjepsës 72-katësh, për ndërtimin e të cilit u shpenzuan 430 milionë dollarë. Lartësia e rrokaqiellit është 328 metra, duke e bërë atë, për shembull, katër metra më e lartë se Kulla Eifel.

Një helikopter përdoret për të transportuar banorët, kështu që banorët në qytetet përreth mund të jenë atje për dhjetë minuta.

Ekziston edhe një park i madh tematik me kopje të ndërtesave të famshme si Muri i Madh i Kinës dhe Qyteti i Ndaluar. Gjithashtu, klubet dhe baret nuk ekzistojnë, kështu që shumë njerëz me të drejtë pyesin veten se si është në të vërtetë jeta në këtë fshat misterioz.

Turizmi në Huaxi është shumë i popullarizuar sepse shumë janë të interesuar për të kuptuar se si është jeta në utopinë komuniste. Nga ana tjetër, shumë vizitorë pohojnë se në Huaxi nuk mund të gjesh restorante dhe dyqane që mund të presësh në një qytet të pasur dhe se pothuajse nuk ka vende ku mund të shpenzosh para./Katror.info