Sportistë nga e gjithë janë vendosur në “Fshatin Olimpik”, që do të jetë shtëpi e 14 mijë personave gjatë Lojërave Olimpike “Paris 2024”.
Ky vend ka madhësinë e 70 fushave të futbollit dhe do t’u ofrojë të pranishmëve një sallë të madhe me stacione të ndryshme me ushqime, palestër, fusha për stërvitje të sporteve të ndryshme, poliklinikë, dhoma lutjesh dhe qendër të antidopingut.
Sportistët do të mund të udhëtojnë nëpër qendër me makina elektrike, nga vendet relaksuese të lumit Sena, deri te qendra e transportit në anën tjetër të fshatit.
Mundesh me e lexu edhe...
Pas Lojërave Olimpike secila ndërtesë do të rinovohet dhe rimodelohet, për të krijuar rreth 3 mijë banesa të reja, përfshirë edhe banesa sociale.
Lojërat Olimpike nisin më 26 korrik dhe përfundojnë më 11 gusht.
Kosova do të garojë me nëntë sportistë, ndërsa gjashtë prej tyre janë me normë olimpike, pesë nga sporti i xhudos e një nga boksi, shkruan koha.
Kosova në xhudo do të përfaqësohet nga Distria Krasniqi, Nora Gjakova, Akil Gjakova, Loriana Kuka e Laura Fazliu. Në sportin e boksit Kosovën e përfaqëson Donjeta Sadiku. Gresa Bakraçi do të garojë në atletikë, kurse Hana Beiqi e Adell Shaboviq garojnë në not.
Bakraçi, Beiqi dhe Shaboviq garojnë me ftesë të universalitetit.
Kosova ka tri medalje të arta olimpike të fituara nga Majlinda Kelmendi, Distria Krasniqi e Nora Gjakova.
Të tjera medalje synohen në “Parisi 2024”./Katror.info
Përgatiti:
