KFOR ka njoftuar se rreth 300 ushtarë nga Shtetet e Bashkuara, Gjermania, Danimarka, Bullgaria, Mbretëria e Bashkuar, Turqia, Zvicra, Kroacia, Letonia, Sllovakia dhe Polonia kanë marrë pjesë në Marshimin Norvegjez në Kampin Bondsteel, Kosovë.
Marshimi, që përfshiu një itinerar prej 30 kilometrash me një çantë shpine prej 11 kilogramësh, u organizua në nder të ushtarëve të rënë, duke reflektuar përkushtimin, qëndrueshmërinë dhe profesionalizmin e trupave të KFOR-it.
Ky aktivitet u zhvillua nën Komandën Rajonale – Lindje, si pjesë e misionit të udhëhequr nga NATO, dhe thekson rolin e vazhdueshëm të KFOR-it në krijimin e një ambienti të sigurt dhe të qëndrueshëm për të gjithë qytetarët e Kosovës.
Mundesh me e lexu edhe...
KFOR punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili duke mbajtur përgjegjësinë e vet për sigurinë, sipas mandatit të përcaktuar në Rezolutën 1244 të Këshillit të Sigurimit të OKB-së./EO/Katror.info
