Gazetari Diamant Salihu në Suedi ka fituar çmim të rëndësishëm në karrierën e tij. Për këtë ka njoftuar Ambasada e Kosovës në Suedi.
“Programi i Televizionit të Suedisë “Uppdrag Granskning”, në një konkurrencë tejet të fortë, nderoi gazetarin Diamant Salihu së bashku me Kalle Segerbäck, Ola Christoffersson dhe Axel Gordh Humlesjö, me çmimin prestigjioz “Novatorët e vitit”.
Urime e suksese pa fund Diamant Salihu! Jemi krenarë për punën tuaj”, thuhet në njoftimin e Ambasadës.
Çmimi “Novatorët e Vitit” është pjesë e çmimit prestigjioz të Suedisë Stora Journalistpriset (Çmimi i Madh i Gazetarisë), i cili njeh arritjet e jashtëzakonshme në gazetari në disa kategori, duke përfshirë inovacionin, rrëfimin, raportimin me ndikim dhe punën investigative. Ky çmim i veçantë nderon gazetarët që kanë përdorur metoda novatore ose qasje krijuese për të adresuar çështje të rëndësishme shoqërore.
Diamant Salihu është gazetar hulumtues dhe autor suedez me prejardhje shqiptare nga Kosova. I njohur për raportimin e tij të thellë, ai shpesh fokusohet në çështje të ngutshme shoqërore si krimi, drejtësia sociale dhe jetët e komuniteteve të margjinalizuara. Puna e tij është paraqitur dukshëm në televizionin publik suedez (SVT), duke përfshirë në programin Uppdrag Granskning./Katror.info
Përgatiti:
