Shkencëtarët pohojnë se për herë të parë në histori kanë gjetur material që e ka origjinën jashtë sistemit tonë diellor.
Fizikani i Harvardit, Profesor Avi Loeb tha se analizat e hershme të fragmenteve metalike që ekipi i tij gjeti dhe i nxori nga Oqeani Paqësor sugjeroi se ato vinin nga hapësira ndëryjore, shkruan Katror.info.
Rreth 700 sfera të vogla metalike të analizuara përmbajnë lidhje që nuk përputhen me asnjë aliazh ekzistues në sistemin tonë diellor. Gjetjet nuk i përgjigjen ende pyetjes nëse sferat janë me origjinë artificiale apo natyrore, dhe Loeb tha se kjo është pyetja tjetër që synon t’i përgjigjet kërkimi i tij.
Mundesh me e lexu edhe...
“Ky është një zbulim historik sepse është hera e parë që njerëzit kanë vënë dorë mbi materiale nga një objekt i madh që mbërriti në Tokë nga jashtë sistemit diellor,” shkroi Loeb të martën për Medium.
Mbetjet erdhën nga një objekt i ngjashëm me meteorin që u rrëzua në brigjet e Papua Guinesë së Re në vitin 2014 dhe Loeb nuk përjashton mundësinë që mund të jenë fragmente të një anijeje aliene.
Ai dhe ekipi i tij kaluan dy javë duke gërmuar shtratin e detit me shpresën për të gjetur prova për të mbështetur teorinë e tij.
“Suksesi i ekspeditës ilustron vlerën e marrjes së rreziqeve në shkencë kundër të gjitha gjasave si një mundësi për të zbuluar njohuri të reja. Hulumtimet e mëtejshme do të tregojnë nëse kemi të drejtë,” shkroi Loeb në Medium. /Katror.info
Përgatiti:
