Nga viti 2025, Gjermania do të prezantojë një standard të vetëm për karikimin e pajisjeve mobile dhe vetëm kabllot me prizë USB-C do të mbeten në treg. Vendimi është në përputhje me direktivën e Bashkimit Evropian.
Të mërkurën, qeveria e kancelarit Olaf Scholz miratoi një projekt-amendament të ligjit për standardizimin, njoftoi Ministria gjermane e Ekonomisë.
“Me ndryshimin e ligjit janë të numëruara dhe marrin fund ditët e kaosit me porte të ndryshme për karikimin e telefonave, tabletëve dhe laptopëve”, tha ministri i Ekonomisë Robert Habeck, shkruan Katror.info.
Mundesh me e lexu edhe…
“Karikuesi universal i BE-së do ta bëjë jetën më të lehtë për konsumatorët dhe do të reduktojë sasinë e mbetjeve elektrike”, shtoi ministri.
Standardi USB-C do të jetë i detyrueshëm për telefonat inteligjentë, kamerat digjitale, kufjet, tabletët, konsolat portative të lojërave video, tastierat, librat elektronikë, pajisjet GPS dhe altoparlantët që ngarkohen me kabllo.
Për laptopët, standardi do të jetë i vlefshëm nga viti 2026.
Sipas të dhënave të Ministrisë, në vitin 2020 banorët e BE-së blenë pajisje elektronike në vlerë rreth 420 milionë euro. Çdo përdorues ka mesatarisht tre lloje karikuesish, dy prej të cilëve i përdor rregullisht.
Anëtarët e BE ranë dakord për standardizimin e karikuesve vitin e kaluar. /Katror.info
Përgatiti:
