Geart Ferhati, nxënës i gjimnazit “Sami Frashëri”, ka arritur të krijojë “Journey Boddy”, platformën e parë në Shqipëri që lejon, përmes inteligjencës artificiale të mund të krijohet një plan udhëtimi i personalizuar.
Lajmi u bë i ditur nga ministrja e Arsimit dhe Sportit, Ogerta Manastirliu, e cila ishte e pranishme gjatë prezantimit të projektit nga Ferhati në ambientet e shkollës.
Manastirliu theksoi se është krenare për arritjet e nxënësve me projekte inovatore.
Mundesh me e lexu edhe...
“Gearti është renditur i pari edhe në konkursin ndërkombëtar të kodimit Tech-Fest Coding Contest, duke zgjidhur saktë dhe në kohë rekord 10 sfidat e këtij konkursi, e duke triumfuar ndërmjet 300 koduesve të niveleve junior, senior dhe expert, nga Shqipëria, Kosova dhe Maqedonia e Veriut”, nënvizoi Manastirliu.
“Krenare për arritjet e nxënësve tanë, me projekte tepër inovatore, të realizuara përmes inteligjencës artificiale, falë programit të Kodimit dhe punës fantastike të mësuesve të TIK”, tha Manastirliu.
Ministrja Manastirliu tha se “ne jemi të përkushtuar të inkurajojmë dhe mbështesim të gjitha aftësitë digjitale në shkolla duke filluar nga klasa e parë me kodimin e më pas duke e zhvilluar teknologjinë edhe sa i përket zgjerimit të laboratorëve”./Katror.info
Përgatiti:
