Ditën e mërkurë me datë 15 shkurt në orën 15.30 salla “Aldo Cossu” e Pallatit Ateneo të Universitetit të Barit “Aldo Moro”, do të mbahet prezantimi i librit “Gratë e shqipërisë në Itali”, Reflektime, dëshmi, emocione, botimi i të cilit është redaktuar nga sociologu Rando Devole dhe nga drejtori i revistës “Confronti”, Claudio Paravati.
Eventi lind nga bashkëpunimi mes “Shqiponjave të Mëndafshta”, shoqata e grave Shqiptare në Bari, Pulia të Italisë që promovon kulturën dhe historinë shqiptare, me qëllim mbrojtjen dhe përmirësimin e saj në shërbim të Diasporës shqiptare në Itali dhe për këtë arsye shumë aktive në zonën ku jetojnë, shkruan Diaspora Shqiptare.
“Fai CISL”, organizata e angazhuar në përfaqësimin dhe mbrojtjen e punëtorëve në sektorin agroushqimor, në të cilin punojnë shumë qytetarë emigrantë, përfshirë shumë shqiptarë, revista “Confronti”, e cila, pasi ka përmbledhur trashëgiminë e “Com-Nuovi tempi”, një nga botimet epara ekumenike, krenohet me bashkëpunëtorët e interesuar për botën e feve, politikës, shoqërisë, emigracionit, dhe me Departamentin e Fakultetit të Shkencave Politike të Universittetit të Barit “Aldo Moro” angazhimi i të cilit për trajnim ka qenë gjithmonë i kombinuar me atë të përhapjes kulturore.
Mundesh me e lexu edhe...
“Gratë shqiptare në Itali. Reflektime, dëshmi, emocione” është një mozaik interesant i botës shumëplanëshe femërore shqiptare në Itali. Gjashtëdhjetë e një është numri i emrave të grave shqiptare të brezit të parë dhe të dytë që shfaqen në pjesën e pasme të vëllimit, të barabartë me kontributet që përmban ky botim të veçantë, në mënyrë që të krijohet një pamje e pastër dhe e qartë e gjendjes së femrës dhe fenomenit të migrimit, duke i dhënë lexuesit një lidhje e këndshme emocionale e universit të tij polikrom, e krijuar nga përpjekjet dhe sakrificat, kurioziteti, vendosmëria, profesionalizmi dhe talenti.
Në bazë të temave të ndryshme që përmban vëllimi, këtij takimi t’i jepet nuanca që nxjerr në pah disa zëra, në mënyrë që të trajtohen disa nga argumentet kryesore që e gjallërojnë tekstin. Do të ketë tre hapësira të mëdha të dedikuara këtyre tematikave dhe që do gjallërojnë diskutimin. Nuk do mungojnë përshëndetjet zyrtare si nga ana e Universitetit me përfaqësues Rektorin prof. Stefano Bronzini dhe nga ana e Bashkisë së Barit me Këshilltaren për Mirëqënien dhe Punët Sociale Znj. Francesca Bottalico. Do na nderojë me praninë e tij Peshkopi i Bari- Bitonto Mons. Giuseppe Satriani.
Do jenë të ftuar : Onofrio Rota Segretari i Përgjithshëm FAI CISL, profesoresha e Universitet të Barit Roberta Santoro, Dom Gjergj Meta që na nderon me ardhjen posacërisht nga Shqipëria, Claudio Paravati drejtori i revistës “Confronti”, Rosa Franco Presidente “CSV Net Puglia”, Griselda Doka ndërmjetëse kulturash dheprofesoreshë e gjuhëve të huaja, sociologu dhe autori i librit Rando Devole, Ina Ali mjeke pneumologe e Spitalit të Barit, Eva Meksi fotografe dhe një nga figurat më të njohura në territor si dëshmitare e eksodit të gushtit ’91, Fabiola Ismaili avokate dhe menaxhere, Anna Lattanzi gazetare dhe kritik letrare, Giulia Durante studente italo-shqiptare, motër Mirela Qafa të motrave “Venerini”, Ilaria Lia gazetare dhe shkrimtare. Do nderoj me praninë dhe artin e saj artistja e madhe Violinistja e çmuar Didi Tartari.
Tematikat rreth të cilave do të zhvillohet diskutimi do të jenë:
PJESËMARRJA AKTIVE DHE ROLI I SHOQATAVE DHE FIGURES SE GRAVE BRENDA TYRE.
Forca e grave në shërbim të komunitetit, mikpritjes dhe integrimit, për të mbrojtur identitetin, gjuhën dhe të drejtat e njeriut. Aspektet që karakterizojnë shoqatat e ndryshme që shikojnë angazhimin e shumë grave çdo ditë janë të shumëllojshme. Padyshim që synimet e përbashkëta janë krijimi i një rrjeti social i qëndrueshëm që ofron mikpritjen, mbrojtjen e të drejtave të grave, lehtësimin e kontakteve dhe integrimin, promovimin e kulturës së vet për të ruajtur individualitetin e njerëzve, rrënjët e tyre, duke u bërë referencë, pika e Diasporës.
GRATË NË BOTËN E PUNËS: ARRITJE DHE PIKAT KRITIKE.
Roli i femrës në botën e punës ka pësuar një evolucion të rëndësishëm, duke i dhënë prezencës së grave një peshë të konsiderueshme si punonjëse ashtu edhe si sipërmarrëse. Edhe emigracioni shqiptar, si çdo fenomen tjetër migrues, ka sjellë me vete diskriminimin dhe stigmatizimin, duke e bërë më të vështirë rrugën sociale dhe të punës së grave, e cila tashmë është e ndërlikuar në vetvete. Fuqia punëtore grua ka një potencial që ende nuk është shprehur dhe parë plotësisht, pavarësisht se janë bërë hapa të mëdhenj. Ka shumë suksese të arritura, por po aq çështje kritike që ende janë në po të njëjtin pikë nisjeje.
BASHKEJETESA FETARE NË SHQIPËRI: HISTORI DHE PRESPEKTIVA.
Shqipëria njihet si “vend shembullor” nga pikëpamja e bashkëjetesës fetare. Shqiptarët e katër besimeve tradicionale bashkëjetojnë në mënyrë paqësore në vend: myslimanë, katolikë, ortodoksë, bektashinj, si dhe kulte të tjera. Në çfarë konteksti lindi vargu i famshëm i Pashko Vasës “Feja e shqiptarëve është shqiptaria” Çfarë pasojash pati ateizmi i egër i shtetit totalitar që persekutoi dhe vrau besimtarët dhe fetarët?
Bashkëjetesa fetare po afirmohet aktualisht si një parim themelor i shtetit dhe shoqërisë shqiptare në procesin e integrimit europian dhe feja nuk përfaqëson një armë përçarjeje mes njerëzve. Por a rrezikon sot kjo bashkëjetesë? Dhe cili është roli i fesë në Diasporë.
Marrë nga Diaspora Shqiptare
Përgatiti:
