Kosova vazhdon të ngrejë flamurin në arenën ndërkombëtare të atletikës, falë yllit të saj më të ndritur, Gresa Bakraqi. Atletja e shquar ka rrëmbyer dy medalje në Kampionatin Ballkanik dhe ka thyer dy rekorde shtetërore në disiplinat e saj, duke e bërë këtë një nga paraqitjet më të suksesshme në historinë e sportit kosovar, shkruan Katror.info.
Me një përkushtim të jashtëzakonshëm dhe shpirt garues, Bakraqi tregoi klasin e saj në pistë, duke dëshmuar se është një nga sportistet më të kompletuara që ka nxjerrë vendi ynë. Guximi dhe disiplina e saj janë përkthyer në rezultat konkret: një medalje të artë dhe një të argjendtë, të fituara në konkurrencën ballkanike me atletet më të mira të rajonit.
Përveç suksesit medalist, Bakraqi shkroi edhe histori duke vendosur dy rekorde të reja kombëtare, duke ngritur edhe më tej standardet në atletikën kosovare dhe duke frymëzuar gjenerata të reja sportistësh./Katror.info
