Aktivistja e njohur Greta Thunberg do të jetë sot e pranishme në protestën pro-Palestinës që do të mbahet në kryeqytetin shqiptar.
“Gaza ka hyrë në fazën 5 të kequshqyerjes dhe palestinezët po përdorin pak energji që u ka mbetur për të nxitur botën të ngrihet dhe të zgjedhë një anë”, thotë ajo teksa njofton pjesëmarrjen në protestën e Tiranës.
“Ne do të ngrihemi së bashku për të kërkuar fundin e pushtimit të paligjshëm, aparteidit dhe gjenocidit të Izraelit”.
Mundesh me e lexu edhe…
Videoja e Thunberg është shpërndarë në mediat sociale nga Solidarity Albania, grupi që ka njoftuar edhe protestën, një lëvizje për të drejtat e njeriut dhe paqe ndërkombëtare.
“Bashkohuni me ne për të protestuar kundër gjenocidit të Izraelit dhe urisë së qëllimshme të palestinezëve”.
Sipas grupeve që drejtojnë thirrjen së bashku me Solidarity Albania, Izraeli po përshkallëzon urinë e detyruar të transmetuar drejtpërdrejt të 2.3 milionë palestinezëve në Rripin e Gazës të pushtuar dhe të rrethuar në mënyrë të paligjshme.
Po ashtu theksohet se sipas UNRWA-së, Izraeli në fakt po vuan nga uria mbi 1 milion fëmijë palestinezë.
“Në vetëm 24 orë, të paktën 19 palestinezë vdiqën nga uria dhe 115 palestinezë u vranë ndërsa përpiqeshin të merrnin ushqim. Forcat izraelite dhe mercenarët amerikanë kanë vrarë gati 1 mijë palestinezë në ose afër vendeve të ndihmës që nga maji”./AP/Katror.info
