Trajneri Aleksandr Grigoryan e ka konsideruar Mirlind Dakun si sulmuesi më i mirë i kampionatit rus të futbollit.
Tekniku rus, Grigoryan, në një intervistë për “Match TV”, ka deklaruar se Daku është sulmues i nivelit të lartë, shkruan të dielën ‘SportBoxRu”.
“Do ta quaja Dakun sulmuesin më të mirë të kampionatit. Ai është një sulmues i nivelit më të lartë”, ka thënë Grigoryan.
Mundesh me e lexu edhe…
58-vjeçari Grigoryan në karrierën e tij ka drejtuar disa skuadra si Kuban, Alashkert, Urartu, Tambov e Anzhi.
Daku ishte golashënuesi i dytë më i mirë në elitën e futbollit rus në edicionin 2024/25.
Reprezentuesi i Shqipërisë, Daku, luan për skuadrën e Rubin Kazanit në Rusi.
Ai edicionin e kaluar në 29 ndeshjet e zhvilluara shënoi 15 gola dhe pati tetë asistime./Katror.info
