Gara për ‘Këpucën e Artë’ të Evropës sapo ka nisur, por tashmë ka marrë zjarr.
Tre prej sulmuesve më të mirë në botë, Harry Kane, Kylian Mbappe dhe Erling Haaland, po e nisin sezonin me ritëm të jashtëzakonshëm.
Kane, me 11 gola në Bundesligë, aktualisht udhëheq garën mes yjeve të mëdhenj të kontinentit, ndërsa Mbappe dhe Haaland ndajnë vendin e dytë me nga 9 gola secili.
Mundesh me e lexu edhe...
Sulmuesi norvegjez i Manchester City-t tha se po kalon momentin më të mirë të karrierës së tij, dhe statistikat e konfirmojnë këtë.
Sipas të dhënave të Opta-s, Haaland ka shënuar më shumë gola vetë sesa 12 ekipe të Premier Ligës këtë sezon.
Në total, për klubin dhe kombëtaren, ai ka realizuar 18 gola në 11 ndeshje, me një seri prej nëntë ndeshjesh radhazi si shënues – seria më e gjatë e karrierës së tij.
Në historinë e Premier Ligës, vetëm Haaland ka arritur të shënojë mbi 9 gola në shtatë javët e para të kampionatit, duke e bërë sërish veten favorit për çmimin individual më prestigjioz të golashënuesve.
Megjithatë, aktualisht renditjen e përgjithshme të ‘Këpucës së Artë’ e kryeson Klaemint Olsen i NSI Runavik me 26 gola, i ndjekur nga Kasper Hogh i Bodo Glimt dhe Darko Lemajić i RFS.
Emrat e mëdhenj pritet ta marrin skenën në javët e ardhshme, pasi koeficienti i ligave të mëdha evropiane ka peshë më të madhe në renditjen përfundimtare./RTK/Katror.info
