Në shënimin të Ditës Ndërkombëtare të Personave me Aftësi të Kufizuar më 03.12.2024, Komuna e Prishtinës në bashkëpunim me organizatën “Zë” – Qendrën Logopedike për Trajtim dhe Hulumtim kanë hapur ekspozitën “Bërthamë”.
Pjesë e ekspozitës “Bërthamë” janë 27 punimet e fëmijëve me aftësi të kufizuara në të cilat janë trajtuar pesë (5) tema të ndryshme, përmes së cilave vizitorët do mund të njohin stilin e artistëve dhe veprave unike të cilat kanë krijuar këta fëmijë, shkruan KALLXO.
“Pjesë e ekspozitës janë gjithsej 27 punime të punuara nga fëmijë e adoleshentë me aftësi të kufizuar, përfitues nga shërbimet e terapisë së artit. Këto 27 punime janë të ndara në 5 tema të ndryshme, përmes së cilave vizitorët mund të njohin artistët përmes stilit dhe veprave unike të cilat kanë krijuar”- thuhet në njoftimin e organizatës “Zë”
Mundesh me e lexu edhe…
Ndërsa, drejtoresha e Kulturës, Sibel Halimi përmes një postimi në rrjetin social Facebook tha së një bashkëpunim i tillë, përfaqëson mundësin për t`i dhënë zë dhe hapësirë fëmijëve me aftësi të kufizuara përmes artit.
“Në bashkëpunim me Lekë Gjurgjiali nga organizata “Zë”, hapëm ekspozitën “Bërthamë” në Komunën e Prishtinës, e cila përfaqëson një mundësi të veçantë për t’i dhënë zë dhe hapësirë fëmijëve me aftësi të kufizuara përmes artit” – shkruan Halimi.
Ndër të tjera, drejtoresha Halimi u shpreh se me hapjen e kësaj ekspozite po kremtohet fuqia e artit si një mjet që kontribuon në ndërtimin e një shoqërie gjithëpërfshirëse, të drejtë dhe të barabartë.
“Sot, bashkë me fëmijët, kremtuam fuqinë transformative të artit si një mjet që kontribuon në ndërtimin e një shoqërie gjithëpërfshirëse, të drejtë dhe të barabartë” – ka shkruar drejtoresha Halimi.
Ekspozita është hapur, sot meë 03.12.2024 nga ora 10:00 në hollin e objektit të vjetër të Komunës së Prishtinës dhe do jetë e hapur për vizitorë deri më datën 06.12.2024.
Për herë të parë ekspozita “Bërthamë” ishte hapur në vitin 2022, duke shënuar Vitin e Personave me Aftësi të Kufizuar në Kosovë.
“Ekspozita “Bërthamë” u hap për herë të parë në Vitin 2022, për të shënuar Vitin e Personave me Aftësi të Kufizuar në Kosovë”- thuhet në njoftim e organizatës Zë./Katror.info
Përgatiti:
