OJQ TOKA, në partneritet me Qeverinë Gjermane përmes GIZ Kosovo, ka hapur thirrjen për pjesëmarrje në Kampin e Punësueshmërisë, një iniciativë që synon të mbështesë të rinjtë e papunë nga komunitetet Rom, Ashkali dhe Egjiptian në komunat e Deçanit, Gjakovës, Istogut, Klinës dhe Pejës.
Kampi u drejtohet të rinjve të moshës 18 deri në 28 vjeç, të cilët janë të papunë ose në kërkim të një vendi pune. Gjatë kampit, pjesëmarrësit do të kenë mundësinë të mësojnë rreth tregut të punës, të fitojnë njohuri mbi transformimin digjital dhe të gjelbër, si dhe të zhvillojnë aftësi për zgjidhjen e konflikteve. Po ashtu, ata do të kenë rastin të takohen me përfaqësues të bizneseve dhe Zyrave të Punësimit, të hartojnë një plan individual të karrierës dhe të përfitojnë nga mentorimi edhe pas përfundimit të kampit.
Afati për aplikim është deri më 11 gusht 2025, në ora 23:59. Të gjithë të interesuarit mund të aplikojnë përmes linkut: https://forms.gle/cMEpaChHcBJdrdnu9
Mundesh me e lexu edhe…
Ky program synon të fuqizojë të rinjtë përmes edukimit, orientimit profesional dhe lidhjes me mundësi konkrete për punësim./Katror.info
